Վարչապետի երեկվա ուղերձը որքանո՞վ փոխեց մեկ օր առաջ Նիկոլ Փաշինյանի լայվից առաջացած հասարակական տրամադրությունները, և արդյո՞ք հասարակությունն այդ կերպ յուրատեսակ քննություն հանձնեց և արտաքին աշխարհին ցույց տվեց, որ անկոտրում է և անզիջում․ «Առաջին լրատվական»-ի հարցին Հայ կառուցողական կուսակցության ղեկավար Անդրիաս Ղուկասյանը պատասխանեց․ «Այո՛, փոխեց, և այն, ինչն առաջացել էր նախորդ օրն այդ ելույթից, բնականաբար, հիմա փոփոխվում է»։
Այդ լայվից հետո հասարակական տրամադրություննեի՞ն պետք է ուշադրություն դարձվեր, թե՞ ավելի շատ քաղաքական ուժերը պետք է արձագանքեին․ «Առաջին լրատվական»-ի հարցին Անդրիաս Ղուկասյանը պատասխանեց․ «Այսօր շատ խնդիրներ կան, որոնք, բնականաբար, թելադրված են այս իրավիճակով։ Անշուշտ, հանրության իրազեկումը և առաջնային պաշտոնյաների՝ հանրության հետ շփումն ու այդ տեսակ դիմումները, կոչերն ունեն կարևոր նշանակություն, բայց այսօր բոլորս պետք է հասկանանք, որ Հայաստանն ու Արցախը կանգնած են լուրջ պատերազմի առջև, և հնարավոր չէ ամեն մի ընթացիկ իրադրությանն արձագանքել հուզական։ Այդպես պետք չէ անել։ Ճիշտ կլիներ՝ վերհիշենք 1992 թվականը, 1993 թվականը, այն պատերազմը, որը մենք անցել ենք։ 1992 թվականի հունիս-հուլիսից մինչև 1993 թվականի մարտ ամիսը թշնամին և՛ Քելբաջարի կողմից, և՛ Կուբաթլուի կողմից կրակային հնարավորություններով վերահսկում էր Լաչինի միջանցքը՝ համարյա մեկ տարի։ Այդ ժամանակ մենք շատ հուզական էինք արձագանքում ամեն մի տեղեկությանը, որ գալիս էր ճակատից»։
Մանրամասները՝ տեսանյութում։