Առաջին շաբաթվա կատաղի գրոհներով չհաջողվեց հայկական պաշտպանությունը ճեղքել որևէ ուղղությամբ: Մենք պատերազմի առաջին փուլում հաղթանակ տարանք: Դրանից հետո Ադրբեջանի և Թուրքիայի մարտավարությունը փոխվեց՝ ուժերը կենտրոնացրեցին հարավային ուղղությամբ, այստեղ արդեն անհաջողություններ ունեցանք: Հիմա հասել ենք պատերազմի վճռական փուլի, որտեղ նահանջելու տեղ չունենք, հիմա Լաչինի ճանապարհի խնդիրն է դրված: Փակել Լաչինը, մեկուսացնել Արցախը. այս պատերազմում հակառակորդի ստրատեգիական նպատակներից մեկն է դա: Մեր ուժերը, կամքը, մտքերը պետք է կենտրոնացնել այդ ուղղությամբ: Եթե Լաչինի ճակատամարտում կարողանանք հաղթել և կայունացնել ճակատը, ապա կարող է բեկումնային պահ լինել պատերազմում: «Առաջին լրատվական»-ի հետ զրույցում այս մասին ասաց հրապարակախոս, քաղաքագետ Հրանտ Տեր-Աբրահամյանը՝ հիշեցնելով, որ 92թ. հոկտեմբերին ադրբեջանական ուժերը կարողացել են մոտենալ Լաչինին, սակայն հայկական կողմին հաջողվեց կասեցնել և անցնել հակահարձակման ու բեկում մտցնել պատերազմական իրավիճակում:
«Մենք ունենք նաև ներքին ճակատ, որտեղ հրադադար չեմ տեսել, գնալով ակտիվացում է նկատվում՝ նաև օգտվելով ճակատի անհաջողություններից… Ներքաղաքական այս անբարոյական և հակաօրինական խաղերը իշխանություն տենչող նեղ խմբերի գործն է»,- ընդգծեց հրապարակախոսը: Նա նաև նշեց, որ իր համոզմամբ ՀՀ քաղաքացին շատ լավ տարբերում է թացը չորից և չի ենթարկվում նրանց ազդեցությանը:
Մանրամասները՝ տեսանյութում:
