Tuesday, 18 05 2021
Բանակցությունները կշարունակվեն մայիսի 19-ին
Ռոման Բերեզովսկին մասնակցում է ՈՒԵՖԱ-ի Պրո արտոնագրի դասընթացին
Ինչ է նախատեսում ՀԱՊԿ ճգնաժամային իրավիճակներին արձագանքման կանոնակարգը. որոշումների կայացումից մինչև վերահսկողություն
12:30
Իլոն Մասկն իջել է աշխարհի ամենահարուստ մարդկանց ցուցակի երրորդ հորիզոնական․ Bloomberg
ԱՄՆ պահանջելու է դա Բաքվից. ինչ է առաջարկել Վաշինգտոնը Երևանին
Էրդողանը նզովել է Ավստրիայի կառավարությանը
Թշնամին դավադիր է․ Խնածախի բնակիչները անհանգիստ են, բայց չեն պատրաստվում գյուղը լքել
Վահրամ Դումանյանը շնորհավորել է Թանգարանների միջազգային օրվա առթիվ
Դրամն արժեզրկվեց՝ պայմանավորված COVID-ով, ռազմական դրությամբ. ԿԲ-ն դժվարություններ ունեցավ
Ադրբեջանական զինված ուժերն իրենց դիրքերն Արցախում առաջ չեն տվել․ Արցախի ԱԽ
«Վարկերը կջրվեն»․ քարոզարշավի ընթացքում շատ ուժեր այս միտքն են տարածում
11:30
ԱՄՆ նախագահի խորհրդականը Ալիևի հետ զրույցում սահմանին ռազմական տեղաշարժերը անպատասխանատու և սադրիչ քայլ է անվանել
Հայաստանում COVID-19-ից մահացել է 17 մարդ․ հաստատվել է վարակման 212 դեպք
«Զվարթնոց» օդանավակայանում ձերբակալվել է Գագիկ Բեգլարյանը
Հրապարակվել է ԲՀԿ-ի նախընտրական ցուցակի առաջին եռյակը
Ծեծկռտուք, դանակահարություն Մասիս քաղաքում․ հանցագործությունը բացահայտվել է
10:50
Բայդենը հրապարակել է հարկային հայտարարագիրը
Փրկարարները ջրանցքից դուրս են բերել քաղաքացու դին
Իսրայելը մոտ 20 հրթիռ է ուղարկել Լիբանան․ ՄԱԿ-ի խաղաղապահներն ուժեղացրել են պարեկությունը սահմանին
Կայացել է Հայաստանի և Տաջիկստանի ԱԽ քարտուղարների հեռախոսազրույցը
10:10
Դրեզդենում ֆուտբոլային երկրապագուների հետ բախումների հետևանքով 185 ոստիկան է տուժել
ՀԱՊԿ-ի հետ հույսեր փայփայել պետք չէ. այդ կառույցի անդամների հայեցակարգերը բոլորովին էլ միտված չեն Հայաստանը ուժեղ ու կայացած պետություն տեսնելուն
Լիբանանի տարածքից Իսրայելի ուղղությամբ հրթիռներ են արձակվել
Վարչապետի սև ցուցակը կազմում են Ավինյանը, Թորոսյանն ու Հարությունյանը. «Ժողովուրդ»
ԲՀԿ խմբակցությունը՝ ծանր վիճակում. «Հրապարակ»
Ովքեր կլինեն ՀԱԿ-ի ցուցակում. բանակցում են. «Հրապարակ»
Քոչարյանը և Սերժ Սարգսյանը կիսում են նույն կոնտինգենտի ձայները, Տեր-Պետրոսյանը վերցնելու է տանը մնացողների ձայները
Ինչո՞ւ են Ռուսաստանի ազդեցիկ հայերը գալիս Հայաստան. «Փաստ»
Մակարոնի արտադրության ոլորտը վտանգված է. «Ժողովուրդ»
Օնիկ Գասպարյանը Ռոբերտ Քոչարյանի շտաբում․ Հրապարակ

Թուրքիայի շիզոֆրենիկ առաջնորդը որոշել է ձեռնոց նետել աշխարհին. Նրա խնդիրը Ռուսաստանին այս հակամարտության մեջ ներգրավելն է

«Առաջին լրատվական»-ի զրուցակիցն է «Ապարան» ջոկատի հրամանատար, պատերազմի առաջին օրերից առաջնագծում կանգնած Ռազմիկ Պետրոսյանը։

– Պարոն Պետրոսյան, սկզբում կուզենայի ասեիք, թե ինչ վիճակ է առաջնագծում, այն հատվածում, որտեղ Դուք եք։

– Որտեղ որ մենք ենք, լավ է վիճակը։ Մենք առաջին օրերից հակառակորդին պատժելու գործողություններով ենք զբաղված, մենք ենք ճնշում հակառակորդին։ Մեր զինվորները բարձունքի վրա են, մեր դիրքերը պահպանվում են։ Մեր հատվածում մենք խնդիր չունենք։

– Վարչապետ Նիկոլ Փաշինյանի երեկվա ուղիղ եթերը որոշակի բացասական տպավորություններ է թողել։ Վարչապետը խոսեց նրանից, որ մենք պատրաստ ենք փոխզիջումների, ցավոտ փոխզիջումների, բայց ոչ երբեք Արցախի կապիտուլյացիայի։ Ցավոտ փոխզիջումները որո՞նք են Ձեր կարծիքով, ու ինչպե՞ս եք գնահատում այդ ուղերձը։

– Ես, որպես զինվորական, շատ չեմ խորանում քաղաքականության մեջ, բայց վարչապետի բոլոր կոչերը, ուղերձները… կարող եմ ասել, որ վարչապետը լավ դիվանագիտական քայլեր անում է, խոսակցությունները ավելի խորքային են։ Այո, Հայաստանում մի վիճակ է ձևավորվել, որ նախկին իշխանությունները օգտվում են ստեղծված իրավիճակից։ Արցախի հարավում ունեցած անհաջողությունները իրենց համար քաղաքական պլացդարմ են դարձել։

Վարչապետը այսօր երկրի գերագույն գլխավոր հրամանատարն է, նրա հրամանատարությամբ են գործողությունները գնում, և ոչ ոք իրավունք չունի գնահատելու, քննադատելու կամ մեկնաբանելու նրա քայլերը։ Մեր խնդիրն է ազգովի միասնական լինել, մեկ բռունցք դառնալ ու մեկտեղել մեր գործողությունները թե՛ քաղաքական և թե՛ ռազմական դաշտում, որպեսզի հաջողություն լինի։ Մարդիկ, առանձին խմբեր կան, որ վարչապետի ամեն մի հայտարարությունը թեմա են դարձնում միտումնավոր, որպեսզի հասարակության մեջ միտումնավոր կերպով հուսահատություն սերմանեն, հաղթանակի հանդեպ մարդկանց հավատը կոտրեն։ Ռազմական գործի մեջ կա հակառակորդի համար ծուղակներ պատրաստելու ռազմավարություն։ Որոշ մարդիկ այդ ռազմավարությանն են դիմում, դա եղել է նաև արցախյան պատերազմի ժամանակ, սակայն հուսահատվել պետք չէ։ Վարչապետի հայտարարությունները տարբեր մարդիկ տարբեր կերպ կարող են հասկանալ ու մեկնաբանել։ Բայց ես մի բան գիտեմ, որ իր կոչը հետևյալն է՝ հերոսին պետք է հերոսի պես ներկայացնել, վախկոտին՝ վախկոտի պես։ Ժամանակն է, որ իրերը կոչենք իրենց անուններով։ Բոլորը պետք է պատժվեն այսօրվա իրավիճակում զինվորին առաջնային գծից հետ պահելու, տարբեր կերպ ծառայությունից խուսափելու, դավաճանությունների գնալու համար և այլն։ Այդ բոլոր մարդիկ պետք է պատժվեն։

– Վերջին երկու օրը հանրությանը հնարավորություն է ընձեռվում իմանալու առաջնագծում տիրող վիճակը։ Քարտեզով, ասուլիսների ժամանակ ներկայացվում է իրական պատկերը, թե հակառակորդն ինչ հաջողություններ կամ անհաջողություններ ունի, ուր է հասել։ Հրապարակված քարտեզից պարզ դարձավ, որ հակառակորդի առաջխաղացումները մեծ են հատկապես հարավային ուղղությամբ։ Մեզ կհաջողվի՞ արագ վերականգնել նախկին պատկերը։

– Այո, մեր իշխանությունները շատ ավելի ժողովրդավարական կեցվածք ունեն, ազնիվ են իրենց ժողովրդի հետ։ Դրանից մարդիկ պետք է լավ զգան։ Ադրբեջանի ժողովուրդը բացարձակ անհաղորդ է իրավիճակին։

Ինչ վերաբերում է իրավիճակին, ապա ասեմ, որ իրավիճակին ևս լիարժեք տիրապետում ենք։ Հակառակորդի առաջխաղացումը ժամանակավոր է։ Այն տարածքները, որոնք հիմա հակառակորդի տիրապետության տակ են, ավելի քիչ են, քան այն տարածքները, որոնք մենք ազատագրեցինք 1993 թվականին՝ 4 շրջանն իրար հետ մենք ազատագրեցինք 13 օրում։ Այնպես որ, նորմալ մարտական գործողություններ կազմակերպելու ժամանակ մենք այդ նույն տարածքները պատրաստ ենք հետ վերցնել։ Այո, առաջին փուլում մեզ համար դժվարություններ կային։ Հակառակորդի խոցելիության միջոցները շատ էին, ուժեղ էին, բայց դրանք անսահմանափակ չեն, դրանք վերջանում են։ Իսկ դրան հակառակ, մենք այսօր համալրվում ենք ավելի ուժեղ, ավելի փորձված զինատեսակներով, ավելի փորձված մարդկանցով, վախը հաղթահարած տղաներով, կամավորականներով։ Մեր հաջողությունները դեռ առջևում են։

– Ադրբեջանն այսօր սկսել է հարվածներ հասցնել ՀՀ սահմանի հարավային ուղղությամբ։ ՀՀ ՊՆ-ն փաստեր է հրապարակել։ Ինչպե՞ս եք գնահատում այս իրավիճակը։ Հնարավոր համարո՞ւմ եք հարձակում և ակտիվ ռազմական գործողություններ նաև Հայաստանի ուղղությամբ։

– Նայելով Թուրքիայի առաջնորդի ստանդարտից դուրս կեցվածքը գերտերությունների հանդեպ, նրա կեցվածքը տարածաշրջանում, Մերձավոր Արևելքում՝ պարզ է դառնում, որ այդ շիզոֆրենիկը որոշել է աշխարհին ձեռնոց նետել։ Թուրքիան խնդիր ունի այս հակամարտության մեջ ներքաշելու Ռուսաստանին։ Իսկ դրա հնարավորությունը միայն Հայաստանի տարածքի նկատմամբ ոտնձգություն իրականացնելու դեպքում է հնարավոր։ Նրանց համար ամոթ կլինի, որ Ադրբեջանը պարտվի։ Իրենք նաև գիտեն, որ մենք հաղթելու ենք, հետևաբար ամեն ջանք գործադրում են, որ Ռուսաստանին ներքաշեն այս հակամարտության մեջ, որ Թուրքիան էլ ամբողջ ծավալով ներքաշվի ու օգնի Ադրբեջանին։

– Իսկ Ռուսաստանի ներգրավումից Հայաստանը շահեկան վիճակում կհայտնվի՞, թե՞ մենք պարզապես կարող ենք ռուս-թուրքական պատերազմի համար թատերաբեմ դառնալ։

– Մենք ամեն դեպքում հաղթելու ենք՝ կլինի Ռուսաստանի ներգրավմամբ, թե առանց դրա։ Հաղթելու ենք անկասկած։ Մենք պետք է հաղթենք։ Եթե մեր դեմ կռվեր միայն ադրբեջանական բանակը, ապա մենք հիմա Բաքու էինք հասել։ Մենք հիմա կռվում ենք ամբողջ աշխարհից հավաքած ահաբեկիչների, վարձկանների ու երկու պետությունների բանակների դեմ։ Բայց մեկ է՝ հաղթելու ենք, հիմա իրենք առաջվա պես հրթիռահրետանային հարվածներ չեն հասցնում, օդը որոշակիորեն պաշտպանված է, ու եկել է ժամանակը, որ մենք նրանց պատժենք։ Պարզապես կոչ կանեմ չհոգնել, կանգնել մինչև վերջ։ Հաղթանակը երբեք այդքան մոտ չի եղել։ Մենք մի սանտիմետր չենք զիջել, նույնն էլ հարավում կլինի։ Պարզապես պետք է հավատալ հաղթանակին։

Բաժիններ
Ուղիղ
Լրահոս
Որոնում