Ուկրաինայի նախկին վարչապետ Յուլիա Տիմոշենկոն պնդում է, որ նախագահ Վիկտոր Յանուկովիչը հրահանգել է իրեն ձերբակալել մինչև այս տարվա օգոստոսի 24-ը, երբ պետք է նշվի Անկախության օրը: «Մեր տեղեկություններով՝ Յանուկովիչը իր վարչակազմի ներկայացուցիչների միջոցով հրահանգել է դատավորին, որպեսզի մինչև անկախության օրը՝ օգոստոսի 24-ը, ինձ ձերբակալեն, որպեսզի լինի անարդար դատավճիռ, որը պատվիրված է Յանուկովիչի կողմից, և որպեսզի մինչև անկախության տարեդարձը Յանուկովիչը վերջ տա ընդդիմությանը»,- ասել է Տիմոշենկոն այսօր շարունակվող դատական նիստից առաջ:
Այսօր Տիմոշենկոն միջնորդել է, որպեսզի դատարանը գործում ներառի «Ուկրաինասկայա պրավդա» թերթի նյութերը, որտեղ հոդվածագիրը պնդում է, որ Ուկրաինայի նախագահի վարչակազմը միջամտում է դատական գործընթացին: Այս մասին հաղորդում է Interfax գործակալությունը: