Այսօր՝ հոկտեմբերի 27-ին, ԱԺ հայտարարությունների ժամին «Լուսավոր Հայաստան» խմբակցության պատգամավոր Աննա Կոստանյանը հայտարարեց. «Թշնամին միշտ նույնն է: Եվ ցավալի է, որ ոմանք սին հույսեր են փայփայում, թե կառուցողական փոխզիջմամբ լեզու ենք գտնելու մեզ ոչնչացնելու ցանկություն ունեցողի հետ»:
Նրա խոսքով՝ այսօր հնարավոր չէ խոսել ճկուն կառուցողականությունից, երբ շատ լավ գիտենք, որ Ադրբեջանը պատրաստ չի եղել և պատրաստ չէ փոխզիջման. «Ո՞րն է այդ ցավոտ փոխզիջումը: Մենք ագրեսորի հետ փոխզիջման լեզվով, ծնկածի դիրքից խոսելու իրավունք չունենք: Դավաճաններ պետք է փնտրել լուռ, ոչ հրապարակավ, որովհետև դա ընկճում է զինվորի ոգին: Մեր ուղերձը պետք է լինի հանուն հայրենիքի ապրելը, ոչ թե զոհվելը»:
Մանրամասն՝ տեսանյութում: