Ֆրանսիական ապրանքները բոյկոտելու կոչերը Թուրքիային ավելի են հեռացնում Եվրամիությունից՝ Բրյուսելում կայացած ճեպազրույցում ասել է Եվրահանձնաժողովի պաշտոնյան:
«Թուրքիայի և ԵՄ-ի միջև գոյություն ունեցող համաձայնագիրը նախատեսում է ապրանքների ազատ փոխանակում: Թուրքիայի բոլոր պարտավորությունները պետք է հարգել: ԵՄ անդամ երկրներից մեկի ապրանքները բոյկոտելու կոչերը հակասում են Թուրքիայի պարտավորությունների ոգուն և նրան ավելի են հեռացնում ԵՄ-ից», – ասել է նա:
Ֆրանսիայի և Թուրքիայի միջև հարաբերությունների հերթական սրումը տեղի ունեցավ Փարիզի արվարձանում տեղի ունեցած ողբերգության ֆոնին, որտեղ ծայրահեղականը սպանել էր դպրոցի ուսուցչին, և դրան հաջորդող ֆրանսիական իշխանությունների արձագանքին, որը Թուրքիայում որակվեց մահմեդականների դեմ: