Հրադադարի մասին խոսելն անիմաստ է, եթե խոսքը վերաբերում է թուրքադրբեջանական կողմին: Նրանց համար դա զորքերի, ուժերի վերաբաշխման համար է, հաշվարկների համար է: Հին հույներն ասում էին՝ եթե թուրքը խոսում է խաղաղության մասին, պատրաստվեք պատերազմի: Լևոն Շանթն ասում էր՝ քաղաքականությունը ֆլիրտ է: Այս հրադադարն էլ է ֆլիրտ, և մենք չպետք է ենթարկվենք դրան: Այս մասին «Առաջին լրատվական»-ի հետ զրույցում ասաց քաղաքագետ Լևոն Շիրինյանը:
Դիտարկմանը, որ Թրամփը շտապեց շնորհավորել հրադադարի առնչությամբ, քաղաքագետը նշեց. «Ինձ թվում է ուղղորդելու նպատակ ուներ, բայց թե ինչպես ուղղորդվեց ադրբեջանական կողմը, դա արդեն երևաց, հայկական կողմը հրադադարի պահպանման հարցում խնդիր չունի»:
Անդրադառնալով հարցին, թե որևէ մեկը չի՞ կարողանում կանգնեցնել Թուրքիային, Լևոն Շիրնյանն ընդգծեց, որ իր կարծիքով որևէ մեկը ցանկություն չունի կանգնեցնելու. «Այլապես մի տասը տանկ կուղարկեին, երկու հրթիռ, երեք մասնագետ, բայց ցանկություն չկա: Ինձ թվում է՝ Հայկական լեռնաշխարհի Արծվաբերդում՝ Արցախում պանթյուրքիզմի գլուխը ջնջխվում է, և դա աշխարհում շատերին է ձեռնտու, ճիշտ է՝ մեզ համար դժվար է, զոհողությունները՝ շատ, բայց պանթյուրքիզմի մայրամուտն է սկսվել այստեղ»:
«Էրդողանը մերժեց երեք գերտերությունների նախագահներին, և դա իր «երջանկությունն» է: Ակնհայտ է, որ 21-րդ դարի հիմնական չարիքը իսլամախառն պանթյուրքիզմն է: Ապակայունացման ալիքը համաշխարհային քաղաքականության համար դառնում է հիմնական կծիկը. իժի գլուխը պետք է ջնջխել, մենք ջնջխում ենք, խոշոր տերությունները սովոր են, որ դա իրենց փոխարեն ուրիշներն անեն: Բայց մենք դրանից չպետք է շփոթվենք, դա մեր ճակատագիրն է, չպիտի երկմտանք ունենանք՝ անկախ նրանից՝ ով է օգնում, ով չի օգնում: Մենք պիտի դիմանանք, մենք չդիմանալու տարբերակ չունենք, պիտի ջախջախենք:
Արաքսի հովիտը վերածվել է ասկյարների գերեզմանոցի… Սա մեր հայրենական պատերազմն է, սա և՛ ցեղասպանության, և՛ մեր պետականության անէացման հարցն է: Դաժան իրականության առաջ ենք կանգնած՝ կա՛մ գոլորշիանում ենք… կա՛մ եթե 1915թ. նման կանգնելու ենք ոչնչացման եզրին, Անդրկովկասը պետք է պայթեցնենք, ո՛չ բարեկամը, ո՛չ չարակամը չպետք է շահեն դրանից: Ո՞ր հայի ձեռքը պետք է դողա նավթամուղները, կոմունիկացիոն միջոցները պայթեցնելիս, ինչո՞ւ պիտի հայը համաձայնի հանուն քաղաքակրթության անէանալ: Բայց սա ծայրահեղ քայլ է, մենք հաթելու ենք, Ադրբեջանն արդեն արյունաքամ է լինում, ոչխարի հոտը կոտորվում է:
Մանրամասն՝ տեսանյութում: