«Որոշակի թվացյալ առավելություն ունի Ադրբեջանը, բայց իրականում Ալիևի բանակի ողնաշարը ջարդված է. նա ցանկանում էր հենց սկզբից բլից կրիգի միջոցով զավթել Արցախի հարավային տարածքների մի մասը, բայց դա նրան չհաջողվեց, և նա այս մեկ ամսվա ընթացքում երկարատև ու ծանր մարտերի հետևանքով հազիվ կարողացավ որոշակի տարածքներ վերցնել, որը իր համար, կարելի է ասել, ինչ-որ իմաստով պյուռոսյան հաղթանակ է»,- ամփոփելով պատերազմի 30-րդ օրը՝ «Առաջին լրատվական»-ի հետ զրույցում նշեց քաղաքագետ Արմեն Վարդանյանը:
Մեր զրուցակցի կարծիքով՝ դա մեր բանակի ղեկավարության փայլուն մարտավարության արդյունքն է. «Կգա ժամանակ, երբ մեր հայկական ուժերը հակահարձակման կանցնեն և լիովին կջախջախեն այս պահին արդեն կործանման եզրին գտնվող ադրբեջանական բանակը»:
Արմեն Վարդանյանը նշեց, որ ադրբեջանական բանակը բախվել է մի պատի, որ չի կարողանում այլևս առաջ գնալ և դիվերսիոն խմբերով է փորձում խուճապ առաջացնել բնակիչների մոտ, բայց մեծ ճեղքում այլևս չի ստացվում. «Ես կարծում եմ, որ մենք ժամանակի ընթացքում վերջնականապես կմաշեցնենք Ալիևի ուժերը, և հայկական բանակը կանցնի հակահարձակման ու գլխովին կջախջախի Արցախում գտնվող ադրբեջանական զինված ուժերը»:
Մանրամասն՝ տեսանյութում: