Լուրեր
Աստծո հույսով ենք․ առաջնագծում «հայի ոգին է խոսում»
  • 18:30
  • 2020-10-26
  • Դիտումներ՝ *

«Առաջին լրատվական»-ը շարունակում է աշխատանքը Արցախից և այժմ զրուցում է գնդապետ Աիդա Սերոբյանի հետ, որը զրույցի պահին «Ուազ» մակնիշի մեքենա է վարում: Մեր զրուցակիցը Արցախյան պատերազմի մասնակից կանանց ՀԿ նախագահն է:

Ինչպես նշեց տիկին Աիդան, ինքը պատերազմի հենց առաջին օրից՝ սեպտեմբերի 27-ից, եկել է Արցախ և մասնակցում է մարտերին: «Ու մասնակցելու եմ մինչև վերջին օրը՝ մինչև հաղթանակ»,- ասաց նա և հավելեց. «Այո, հաղթելու ենք, հաղթելու ենք, էն էլ ոնց ենք հաղթելու: Անպայման հաղթելու ենք»:

Համեմատություն անցկացնելով Արցախյան առաջին պատերազմի հետ՝ մեր զրուցակիցն ասաց. «Արցախյան պատերազմի ժամանակ չկային այս անօդաչու թռչող սարքերը, որոնք ռմբակոծում են նույնիսկ մեր բնակավայրերը: Բայց այդ ամենը կապ չունի. մենք բնավ չենք ընկճվում, բնավ չենք վախենում, մարտնչում ենք ու մարտնչելու ենք: Այս անգամ սա հայ ժողովրդի լինել-չլինելու խնդիրն է: Հիմա ավելի շատ կանայք են մասնակցում, քան արցախյան պատերազմի ժամանակ: Ով կարող է՝ պետք է զենք վերցնի ու գա պաշտպանի հայրենիքը»:

 

Մանրամասն՝ տեսանյութում:

  • Դիտումներ՝ *