Քարտեզը հրապարակելը միանշնակ ճիշտ որոշում էր, քանի որ այն պայմաններում, որում մենք գործում ենք այլ կերպ հնարավոր չէր: Այս մասին «Առաջին լրատվական»-ի հետ զրույցում նշեց ռազմական փորձագետ Մհեր Հակոբյանը:
«Առանց այդ էլ բոլորիս ձեռքի տակ կար համացանց, բոլորն էլ այս կամ այն ձևով տեսնում էին թշնամական քարտեզներ, լսում էին թշնամական կամ թշնամու օգտին հնչող մեկնաբանություններ, իսկ մեր լռությունը շուռ էր գալիս մեր դեմ, որովհետև մարդիկ մտծում էին, որ եթե չեն խոսում, ուրեմն ամեն ինչ վատ է, ուրեմն թշնամին գիտի: Հիմա մենք տեսանք ճշմարտությունը, հասկացանք, որ իրավիճակն ամենևին էլ այնպես չի, ինչպես թշնամին է ներկայացնում: Օրինակ նույն Մատաղիսի, Հադրութի, Ֆիզուլիի առումով: Նաև ասեմ, որ հայը այնպիսի մի բնավորություն ունի, որ ավելի լավ է ասես վատը, ինքը պատրաստվի ու իր մեջ ուժ գտնի հետագա պայքարը շարունակելու, , քան թե թողնես անորոշ վիճակի մեջ: Ես կարծում եմ, որ գուցե ոչ ամեն օր, բայց ասենք շաբաթական կտրվածքով պետք է քարտեզի ցուցադրությունը շարունակել»,-ասաց նա:Հիմա մենք տեսանք ճշմարտությունը, հասկացանք, որ իրավիճակն ամենևին էլ այնպես չի, ինչպես թշնամին է ներկայացնում
