Թուրքիայի սեյսմիկ հետազոտության վերաբերյալ Navtex-ի նոր ծովային ծանուցումը, որը Ռոդոս կղզուց հարավ, Հունաստանի մայրցամաքային շելֆի սահմաններում, մի խումբ ռազմանավերի ուղեկցությամբ իրականացնում է Oruc Reis նավը՝ խախտում է միջազգային իրավունքը: Այս մասին ասվում է Հունաստանի ԱԳՆ-ի կիրակի օրը տարածած հայտարարության մեջ:
Թուրքիան հերթական Navtex միջազգային ծանուցումն է հրապարակել, որում ասվում է, որ Oruc Reis-ը սեյսմիկ հետազոտություններ կանցկացնի Արևելյան Միջերկրածովում Ռոդոսից կղզուց հարավ և Կարպատոսից հարավ և հարավ-արևելք՝ մինչև նոյեմբերի 4-ը: Այսպիսով, հետազոտման գոտին տեղափոխվել է հունական Կաստելորիզո կղզուց հարավ-արևմուտք: Անկարան ավելի վաղ հայտարարել էր, որ այս գոտում հետազոտություններ կանցկացնի հոկտեմբերի 12-ից 22-ը, որից հետո աշխատանքները երկարաձգեց մինչև հոկտեմբերի 27-ը:
Հունաստանի ԱԳՆ-ն նշում է, որ «թուրքական կողմից Navtex-ի նոր անօրինական ծանուցման թողարկումը, որի միջոցով ծովային տարածք է ամրագրում Հունաստանի մայրցամաքային շելֆի տարածքում` Ռոդոսից հարավ, անօրինական սեյսմիկ հետազոտություն իրականացնելու նպատակով, հերթական անգամ ցույց է տալիս, որ Թուրքիան իր շարունակական սադրիչ գործողություններով և իրավախախտումներով լրիվ անտեսում է միջազգային իրավունքի հիմնական նորմերը»: