Վրաստանում մեկ օրում գրանցվել է կորոնավիրուսով վարակման 1 928 նոր դեպք: Տվյալները հրապարակվել են StopCov կառավարական կայքում: Մեկ օրում ապաքինվել է COVID-19-ով հիվանդ 604 պացիենտ, մահացել է 8 մարդ:
Համավարակի սկզբից մինչ այսօր Վրաստանում լաբորատոր կարգով հաստատվել է ընդհանուր առմամբ վարակի 28 431 դեպք: Ապաքինվածների ընդհանուր թիվը կազմում է 10 767: Մահացել է 201 պացիենտ «կորոնովիրուս» ախտորոշմամբ:
Ներկա դրությամբ կարանտինի ռեժիմի մեջ է գտնվում 4 112 քաղաքացի, ստացիոնար հաստատություններում բժիշկների հսկողության տակ է 3 766 մարդ, կովիդ-հյուրանոցներում՝ 2 268: