«Մինսկի խմբի եռանախագահող երկրների միջև ձևավորվել է հստակ կոնսենսուս, որ պատերազմը պետք է դադարեցվի»,-«Առաջին լրատվական»-ի հետ զրույցում նման տեսակետ հայտնեց «Հանուն հանրապետության» կուսակցության ղեկավար մարմնի անդամ Ռուբեն Մեհրաբյանը։
Նրա կարծիքով՝ երեք երկրներն էլ համատեղ ջանքեր են գործադրում այդ ուղղությամբ, սակայն առայժմ չի ստացվում.«Պրոցեսը դինամիկ է և սպասում է իր հանգուցալուծմանը։ Կասկած չունեմ, որ այդ երկրները առանձին-առանձին վերցրած, ամենքն իր լծակներով այնուամենայնիվ ի վիճակի է պատերազմը կանգնեցնել։ Խնդիրն այն է,թե որքանով են նրանք պատարստ այդ լծակներն էֆեկտիվ ձևերով գործադրել։ Խնդիրը ոչ այնքան Բաքվում է , որքան Անկարայում։Այնպես որ ջանքերի սլաքը պետք է ուղղվի նաև Անկարա։ Ադրբեջանական բանակի պուլտերից ադրբեջանցիները հեռացված են,այնտեղ նստած են թուրքերը ու նրանք կարող են վճռորոշ դեր ունենալ քաղաքական որոշումների վրա ազդեցություն ունենալու իմաստով»։