Արցախի մայրաքաղաք Ստեփանակերտում ադրբեջանական թիրախային հարվածների հետևանքով զանազան շենք-շինություններ են վնասվել։
Պատերազմն ինչ սկսել է, դուք մնացել եք այստե՞ղ․ «Առաջին լրատվական»-ի հարցին ապաստարանում գտնվող Ստեփանակերտի մի բնակչուհի պատասխանեց․ «Այո՛, որովհետև այստեղ կռվում են իմ որդին ու ամուսինը, որոնք մեկ-մեկ զանգում են և ասում, որ իրենք լավ են։ Արդեն մի քանի օր է, ինչ Ստեփանակերտում համեմատաբար խաղաղ է և մենք շարունակում ենք մեր առօրյա կյանքը, սակայն անվտանգության կանոնների մասին չենք մոռանում՝ աշխատանքի ավարտից հետո ժամանակին իջնում ենք ապաստարան, որտեղ էլ գիշերում ենք ու սպասում մեր տղաներին»։
«Այստեղ ես մնում եմ ամուսնուս հետ։ Նա նախկին զինծառայող է։ Տարիքի հետ կապված՝ նա հիմա էստեղ է ու սպասում է, թե երբ կկանչեն, որովհետև գրանցվել է։ Արդեն մոտ մեկ ամիս է՝ մենք երկու հարևաններով այստեղ ենք ապրում։ Սննդով մինչև հիմա մեզ ապահովել են, իսկ պայմանները մենք մեզ համար արդեն ստեղծել ու հարմարվել ենք այս իրավիճակին։ Գազ չունենք, մեկ-մեկ էլ լույս չի լինում, բայց դե էդպես էլ ապրում ենք»,- «Առաջին լրատվական»-ի հետ զրույցում ասաց Ստեփանակերտի մեկ այլ բնակչուհի։
«Առաջին լրատվական»-ի հետ զրույցում բնակիչները ցանկանում էին, որ տիրի խաղաղություն ու բոլորը մարտի դաշտից վերադառնան տուն։
Մանրամասները՝ տեսանյութում։
