Պատերազմական գործողությունները շարունակվում են, և վիճակն անտանելի չէ, փոխվում է՝ դիրքային հաջողություններ են գրանցվում, նահանջներ են լինում, օր օրի տարբեր իրավիճակներ են ստեղծվում: Արցախի նախագահի նամակը «վերջին ճիչ» չէր: «Առաջին լրատվական»-ի հետ զրույցում այս մասին ասաց վերլուծաբան Գոռ Մադոյանը՝ անդրադառնալով դիտարկմանը, որ Արցախի նախագահ Արայիկ Հարությունյանն այսօր նամակ է ուղղել ՌԴ նախագահ Վլադիմիր Պուտինին, որ նա հնարավոր բոլոր ջանքերը գործադրի՝ ադրբեջանաղարաբաղյան հակամարտության գոտում պատերազմի դադարեցման և քաղաքական գործընթացների ուղղությամբ: Այս խնդրագրի սկզբում ծավալուն անդրադարձ կա Արցախի ու Ռուսաստանի դարավոր բարեկամության մասին:
Գոռ Մադոյանի կարծիքով՝ ԱՀ նախագահի նամակը պետք է դիտարկել լայն համատեքստում՝ որպես շարունակություն ՌԴ նախագահ Վլադիմիր Պուտինի անդրադարձին ղարաբաղյան հակամարտությունը, երբ նա խոսում էր հայ ժողովրդի հետ դարավոր կապի, քրիստոնեական արժեքների, անվտանգության կարևորության մասին և այն մասին, որ պատերազմով հակամարտության հանգուցալուծումը անընդունելի է:
«Արայիկ Հարությունյանի նամակը կարելի է նաև դիտարկել որպես Արցախի սուբյեկտայնության քայլ»,- ընդգծեց վերլուծաբանը:
Մանարամասն՝ տեսանյութում:
