ԱՄՆ-ի գործող նախագահ Դոնալդ Թրամփը Նեշվիլի (Թենեսիի նահանգ) Բելմոնտ համալսարանում դեմոկրատների թեկնածու Ջոզեֆ Բայդենի հետ կայացած եզրափակիչ նախընտրական հեռուստաբանավեճերում ընդհանուր առմամբ երեքուկես րոպեով ավելի երկար Է խոսել իր ընդդիմախոսից: Հոկտեմբերի 22-ին այս հաշվարկներով հանդես Է եկել CNN հեռուստաընկերությունը:
Հեռուստաընկերության տվյալներով՝ պետության գործող ղեկավարի խոսքն ընդհանուր առմամբ տևել է եթերային ժամանակի 41 րոպե 16 վայրկյան: Բայդենը բավականացել Է 37 րոպե 53 վայրկյանով: 90-րոպեանոց հեռուսամենամարտը բաժանված էր վեց թեմատիկ սեգմենտների՝ 15-ական րոպե տևողությամբ: Մրցակիցներն ունեին երկուական րոպե բանավճը վարողի պատասխանի համար, իսկ այնուհետև նրանց հնարավորություն է ընձեռվել մեկ րոպեի ընթացքում պատասխանելու ընդդիմախոսի փաստարկներին:
Թրամփի և Բայդենի բանավեճերի առաջին փուլը կայացել է սեպտեմբերի 29-ին Քլիվլենդում (Օհայոյի նահանգ): Երկրորդը նշանակված էր հոկտեմբերի 15-ին Մայամիում (Ֆլորիդայի նահանգ), սակայն հոկտեմբեր լույս 2-ի գիշերը Թրամփը Twitter-ում գրել էր, որ իր և իր տիկնոջ մոտ կորոնավիրուս են հայտնաբերել: Նույն օրն ավելի ուշ պետության ղեկավարը ժամանել Է Մերիլենդի նահանգի Ուլթեր Ռիդի անվան բժշկական կենտրոն:
Հոկտեմբերի 5-ին նա հեռացել է հոսպիտալից և վերադարձել Սպիտակ տուն: Թրամփի մոտ կորոնավիրուս ախտորոշելու պատճառով նախագահական հեռուստաբանավեճերի հանձնաժողովն առաջարկել է երկրորդ փուլն անցկացնել հեռավար ձևաչափով, սակայն նախագահը հայտարարել է, թե այդ դեպքում մտադիր չէ մասնակցելու դրանց, և միջոցառումը չեղյալ են հայտարարել:
Նեշվիլում հեռուստաբանավեճերը դարձան վերջինը նոյեմբերի 3-ին կայանալիք ընդհանուր ընտրություններից առաջ, որտեղ կընտրվեն նախագահը և փոխնախագահը, Կոնգրեսի Ներկայացուցիչների պալատի բոլոր 435 անդամները և Սենատի մեկ երրորդը, 13 նահանգների և տարածքների նահանգապետերը։