Վրաստանի ՆԳնախարար Վախթանգ Գոմելաուրին հաստատել է, որ «Վրաստանի Բանկ»-ի Զուգդիդիի մասնաճյուղում պատանդներ վերցրած հանցագործի պահանջը կատարվել է: Նա ասել է, որ խոսքն իսկապես կես միլիոն դոլարի մասին էր: Ընդ որում, գումարը հատկացրել է ոչ թե պետությունը, այլ «Վրաստանի Բանկ»-ը, ասել է նախարարը:
«Ինձ համար, մեր իշխանությունների համար, ամենակարևորը մարդկային կյանքն է: Չկա որևէ գումար, որն ավելի կարևոր է, քան մարդկային կյանքը. լինի դա 10 միլիոն կամ 100 միլիոն»,- ասել է Գոմելաուրին:
Նախարարը չի խոսել հետաքննության ընթացքի մասին՝ նշելով, որ դա կարող է խոչընդոտել հանցագործի կալանավորմանը: Գոմելաուրին նաև չի ասել՝ կողոպտիչը հանցակիցներ ունեցել է, թե ոչ:
