Լուրեր
Ադրբեջանը ողջ օրվա ընթացքում շարունակել է հարձակողական գործողությունները Արցախի սահմանի երկայնքով

Այսօր հակառակորդը Արցախի սահմանի ողջ երկայքնով հարձակողական գործողությունները շարունակել է, ակտիվ է եղել ինչպես հյուսիսում, այնպես էլ կենտրոնական ու հարավային ուղղություններում: Այս մասին ասուլիսի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը:

Նրա խոսքով՝ ակտիվ է եղել ինչպես հյուսիսում, այնպես էլ կենտրոնական ու հարավային ուղղություններում:

«Կենտրոնական ուղղությամբ մարտական գործողություններ են ընթացել բնակավայրերի ուղղությամբ: Այս օջախային մարտերը, որոնք ներկայացնում են տարբեր դիվերսիոն խմբերի ներթափանցումներ կոնկրետ բնակավայրեր ու ճանապարհային հանգուցային կետեր, այս պահին էլ շարունակվում են:

Հարավում հակառակորդը փորձել է առաջխաղացում ապահովել ինչպես դեպի արևմուտք, այնպես էլ դեպի հյուսիս և հյուսիս-արևմուտք: Բայց առաջխաղացման բոլոր փորձերը կասեցվել են: Որոշ տեղերում նրանք հետ են շպրտվել՝ կրելով զգալի կորուստներ, այդ թվում՝ զրահատեխնիկայի կորուստ», – ասաց ՊՆ ներկայացուցիչը:

Նրա խոսքով՝ մարտական գործողությունները հիմնականում հրետանայի միջոցների և նվազագույն հետևակի կիրառմամբ են ընթանում. «Այսօր որոշ հատվածներում նաև օդային հարձակման միջոցներ են կիրառվել, մասնավորապես, դասական մարտավարական օդուժ»:

  • Դիտումներ՝ *