Էջմիածնի քաղաքապետ Դիանա Գասպարյանը, արձագանքելով վարչապետ Նիկոլ Փաշինյանի կոչին, հայտնել է, որ այսօրվանից կամավորագրվում է Հայրենիքի պաշտպանության գործին։
«Ես՝ Հայաստանի միակ կին քաղաքապետս, հայտարարում եմ, որ այսօրվանից կամավորագրվում եմ Հայրենիքի պաշտպանությանը և գնալու եմ իմ բաժին հաղթանակի հետևից։
Ես՝ Հայաստանի միակ կին քաղաքապետս, այս ընթացքում եղել եմ էջմիածնեցի բոլոր քաջ նահատակների հոգեհանգիստներին, կիսել նրանց կանանց, մայրերի ու քույրերի վիշտը և դրանից հետո ամեն անգամ մեղքի զգացումով մտել փափուկ անկողին: Ես տեսել եմ Հայրենիքի պաշտպանության համար իրենց կյանքը զոհած 18 տարեկան զինվորների և ինքս իմ ուժերի ներածին չափով իմ պարտքն ունեմ նրանց առաջ:
Այժմ ես՝ Հայաստանի միակ կին քաղաքապետս, կոչ եմ անում էջմիածնեցի տղամարդկանց՝ այս պահից զինվորագրվել, կազմել կամավորական ջոկատ և միանալ Հայրենիքի պաշտպանությանը:
ԿԱՄԱՎՈՐԱԳՐՎԵԼ ՉԻ ՆՇԱՆԱԿՈՒՄ ՀԵՆՑ ՎԱՂԸ ՄԵԿՆԵԼ ԱՌԱՋՆԱԳԻԾ: Մանրամասներին կտեղեկանաք, երբ գաք քաղաքապետարան կամավորագրվելու»,- հայտարարել է Էջմիածնի քաղաքապետ Դիանա Գասպարյանը:
https://www.facebook.com/DianaGasparyanOfficial/posts/968580966971516?__xts__[0]=68.ARBT_OqH6eS3KuAu2honv-yUgA_JQCd5Zlx5xHzttEHareVpu_pXVdRCVxSGibXc_eRTKXKv4EvWjBITbm2OBDx_UethZ_a4lWfxyNT5n_w4n82nBR-DgKS73Ecc-yzsL3TB1NolHcz2k3GpmKFkdRPwVzjZU_wxie5igkVbYt9RNjTVIdG9pLfxvcPg1-pV3LJC-toLtAaT2zqOFwKcaoGnfzmKtdqdD0beJB9067OaY80HvX6Pn6KMhnHeTLAJKN6VZGmiCgC71myvqdFAiDrbawnkDMhMkOU40VoImQr4j7Ebdo4adV2uRseYNDmhQzbLAkm3hzGBjNJm2XE&__tn__=-R