Լուրեր
Թե որքանով կներեն վարկերը, ումը կներեն, ինչ չափով կներեն, դա թողնված է բանկերին. Բաբկեն Թունյան
  • 18:45
  • 2020-10-21
  • Դիտումներ՝ *

Մի քանի տեղ աչքովս ընկան հրապարակումներ, որ օրենք է ընդունվել, որով ներվում են մարդկանց վարկային պարտավորությունները, նման բան չկա: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր, ԱԺ տնտեսական հարցերի մշտական հանձնաժողովի նախագահ Բաբկեն Թունյանը:

«Մենք չենք էլ կարող օրենքով վարկային պարտավորությունները ներել: Մենք օրենք ենք ընդունել, որով բանկին հնարավորություն ենք տալիս առանց հարկային պարտավորություններ կրելու ինքն իր վարկառուների վարկերը ների: Որովհետև հիմա գործող կարգով բանկը կարող է վարկը ներել, բայց ինքը դրա համար հարկ է վճարելու: Պետությունն ասելու է՝ ինձ չի հետաքրքրքում՝ ներել ես, թե չես ներել, դա եկամուտ է, կբերես հարկը կտաս: Այսինքն սրանով մենք բանկերի ձեռքերն ազատելու ենք: Հիմա բանկերը որքանով կներեն, ումը կներեն, ինչ չափով կներեն, դա վերջին հաշվով թողնված է բանկերին: Այլ կերպ վարվել հնարավոր էլ չի: բանկն իր վարկառուներին ավելի լավ է ճանաչում եւ պատկերացնում է իր հնարավորությունների սահմանը»,-ասաց նա:

  • Դիտումներ՝ *