Ղրղզստանում կրկնական խորհրդարանական ընտրությունների անցկացումը պլանավորված է ընթացիկ տարվա դեկտեմբերի 20-ին: Հոկտեմբերի 21-ին այդ հայտնել են հանրապետության Կենտրոնական ընտրական հանձնաժողովում (ԿԸՀ)։
«ԿԸՀ-ի անդամները հոկտեմբերի 21-ին որոշում ընդունեցին 2020 թվականի դեկտեմբերի 20-ին խորհրդարանի կրկնական ընտրություններ անցկացնելու մասին»,- ասել է գերատեսչության ներկայացուցիչը:
Ըստ նրա տեղեկատվության՝ սույն որոշումը կապված է այն բանի հետ, որ նախորդ քվեարկության արդյունքները ճանաչվեցին անվավեր: Նախնական տվյալներով՝ դեկտեմերի 20-ին քվեարկության նախապատրաստման և անցկացման համար բյուջեից կհատկացվի 450 միլիոն սոմ (շուրջ 5,55 միլիոն դոլար):
Ղրղզստանի բարձրագույն օրենսդիր մարմնի ընտրությունները կայացել են հոկտեմբերի 4-ին, դրանց մասնակցել են 16 քաղաքական կուսակցությունների ներկայացուցիչներ: 7-տոկոսանոց արգելքը հաղթահարել կարողացել են դրանցից սոսկ չորսը: Հաջորդ օրը պարտված կուսակցությունների կողմնակիցները հանրահավաքներ են կազմակերպել մայրաքաղաքում, ինչից հետո սկսվել են զանգվածային անկարգություններ, որոնք հետագայում հանգեցրել են Կուբաթբեկ Բորոնովի գլխավորությամբ կառավարության հրաժարականի և նախագահ Սոորոնբայ Ժեենբեկովի պաշտոնաթողության: