2020 թվականին կորնոավիրուսի համավարակի հետևանքով համաշխարհային առևտրի բնագավառում անկումն անցյալ տարվա համեմատությամբ կկազմի 7 – 9 տոկոս: Հոկտեմբերի 21-ին այս կանխատեսմամբ հանդես է եկել ՄԱԿ-ի Առևտրի և զարգացման համադաշնությունը (ՅՈՒՆԿՏԱԴ)։
«ՅՈՒՆԿՏԱԴ-ը 2020 թվականի համար գլոբալ առևտրի բնագավառում անկումը կանխատեսում է 7-ից մինչև 9 տոկոս արժեքային արտահայտությամբ, չնայած երրորդ եռամսյակում աշխուժացման նշաններին»,- նշված է կազմակերպության լրատվական տեղեկագրում: 2020 թվականի երրորդ եռամսյակի արդյունքներով համաշխարհային առևտրի բնագավառում արձանագրվել է հինգտոկոսանոց կրճատում անցյալ տարվա նույն ժամանակամիջոցի համեմատությամ: Այդ արդյունքը, սակայն, Էապես ավելի լավ է, քան երկրորդ եռամսյակում, երբ անկումը հասել Էր 19 տոկոսի, պարզաբանում են փորձագետները: Չորրորդ եռամսյակի համար համաշխարհային առևտրին, նախնական կանխատեսումների համաձայն՝ կարմիր գոտուց դուրս գալ չի հաջողվի, և ցուցանիշները կլինեն 3 տոկոսով ցածր, քան 2019 թվականի չորրորդ եռամսյակում: ՅՈՒՆԿՏԱԴ-ն ուշադրություն է հրավիրում «առևտրի ուշագրավ աշխուժացման վրա Չինաստանում»:
«Այդ երկրի արտահանումը, որն անկում էր ապրում համավարակի առաջին ամիսներին, կայունացել է երկրորդ եռամսյակում և խիստ աճել երրորդ եռամսյակում»,- ասված է տեղեկագրում: Փորձագետները 2020 թվականի արդյունքներով ՉԺՀ-ի համար առևտրի աճի տեմպերը կանխատեսում են գրեթե 10 տոկոս: Ի տրաբերություն մյուս խոշոր տնտեսությունների Չինաստանի ներմուծումը հուլիսին և օգոստոսին կայունացել է և սեպտեմբերին աճել 13 տոկոսով»,- արձանագրում են ՅՈՒՆԿՏԱԴ-ում: Բժշկական նյութերի առևտուրը, որոնք առնչություն ունեն կորոնավիրուսի դեմ պայքարի հետ, ապրիլին միջին չափով աճել Է ավելի քան 50 տոկոսով: Ըստ որում այդ աճից, լրատվական տեղեկագրի համաձայն, առավել օգուտ քաղել են ամենից առաջ բնակչության մեկ շնչի հաշվով եկամտի բարձր մակարդակով երկրները։