Ռուս ռազմական լրագրող Ալեքսանդր Կոցը, որ առաջիններից մեկն էր Արցախ ժամանել սեպտեմբերի 27-ին Ադրբեջանի հարձակումից հետո, իր Telegram ալիքով տեղեկացրել է, որ հայկական զինված ուժերը հզոր հակահարված են հասցրել հարավում՝ գրում է infoteka24.ru-ն:
Արցախի Պաշտպանության բանակի ստորաբաժանումների գործողությունների արդյունքում ադրբեջանցիները հետ են մղվել նախկինում գրաված դիրքերից, ներառյալ Խուդաֆերինի ջրամբարի տարածքը:
Լրագրողը գրում է, որ հայկական հրետանին աշխատում էր այնպես, որ «ոտքերիդ տակ գետինը ցնցվում էր»:
Ավելի վաղ հակառակորդի նահանջի մասին տեղեկությունները հաստատել էին նաև Հայաստանի պաշտպանության նախարարության մամուլի քարտուղարը և ՀՀ ՊՆ ներկայացուցիչը:
Հերթական անգամ Ալիևի և Էրդողանի ծրագրերը հօդս ցնդեցին՝ հայկական բանակի կամքին բախվելով: