Ամերիկյան General Motors եւ ճապոնական Isuzu ընկերությունները չորեքշաբթի հայտարարել են, որ հետ են կանչում ավելի քան 192.000 ավտոմեքենա, քանի որ տեխնիկական անսարքություններ են հայտնաբերվել երեխաների նստարանների անվտանգության համակարգում: Այս մասին հաղորդում է RBC-ն: Հետ կանչման ենթակա մեքենաներն են 2006թ. արտադրության Chevrolet Colorado-ն ու 2004-2011թթ. GMC Canyon -ն, ինչպես նաեւ 2007-2008թթ. արտադրության Isuzu I-290/I-370-ը, որոնց արտադրությունն իրականացվել է GM-ի գործարաններում: Մինչ այդ ընկերությունը խնդրել է նշված մոդելների մեջ երեխաների նստարանները չտեղադրել առջեւի նստարանների վրա: