Լուրեր
Թուրքիան ահաբեկչության էքսպանսիա է անում. Եվրոպան պետք է գիտակցի՝ հասնելու են իրենց սահմաններ

ՊՆ խոսնակ Շուշան Ստեփանյանի հաղորդմամբ՝ թշնամական ուժերը, հերթական անգամ խախտելով հումանիտար հրադադարը, վերսկսել են հրթիռահրետանային հարվածները խաղաղ բնակավայրերի ուղղությամբ: Առավել ինտենսիվ հարվածներ են հասցվել Ստեփանակերտի և Շուշիի քաղաքացիական ենթակառուցվածքներին: Գիշերվա ընթացքում հակառակորդը տարբեր զինատեսակներով ու կասետային ռումբերով հրթիռակոծել է կենտրոնական ու ծայրամասային մի քանի փողոց՝ զգալի վնաս հասցրել մարդկանց սեփական ունեցվածքին, ավերել բնակարաններ: Նաև տնտեսական նշանակության մեկ օբյեկտի է հարված հասել: Ստեփանակերտի ուղղությամբ ադրբեջանական զինված ուժերի հրթիռակոծությունից տուժել է 3 քաղաքացիական անձ: Գյանջայի քաղաքացիական օբյեկտների ուղղությամբ իբր հայկական կողմի հրթիռակոծության մասին տեղեկությունները, կադրերը Ադրբեջանի հերթական փորձն են՝ մոլորեցնելու միջազգային հանրությանը: «Զինուժ մեդիա»-ն ադրբեջանական ապատեղեկատվությունը բացահայտող տեսանյութ է հրապարակել: Թեմայի շուրջ «Առաջին լրատվական»-ը զրուցել է Իրազեկ քաղաքացիների միավորում ՀԿ ծրագրերի ղեկավար Դանիել Իոաննիսյանի հետ:

  • Դիտումներ՝ *