Որտեղի՞ց կարող ենք ապրանք բերել. Ռուսաստնում նույն Թուրքիայի ապրանքն է, Վրաստանում նույնպես թուրքական ապրանքն է. ուրիշ երկիր լինի, մեծ հաճույքով ուրիշ տեղից կբերեմ: Այս մասին «Առաջին լրատվական»-ի հետ զրույցում նշեց երեւանյան տոնավաճառներից մեկի առեւտրականը՝ անդրադառնալով թուրքական ապրանքները բոյկոտելու նախաձեռնությանը եւ ներմուծումն արգելելու որոշմանը:
«Իսկ էդ միտինգ անողն էլ թող իր հագի շորերը հանի, նոր միտինգ անի»,-հավելեց նա:
Մեկ ուրիշ առեւտրական էլ ասաց. «Թող ժամանակին ճանապարհները չբացեին, թուրքական ապրանքը չբերեին լցնեին Հայաստան: Բայց այս պահին ոչ մեկս չպետք է մտածենք մեր առեւտրի մասին, հիմա առաջնահերթը մեր ջահելներն են: Մենք էլ ոչ մի բանի հավես չունենք, էնքան որ տնից դուրս ենք գալիս»:
