Լուրեր
Գործ ունենք բազմապիսի ու բազմադրվագ պատերազմական հանցագործության հետ. Ռուստամ Բադասյան

«Հայաստանյան իրավական միտքը երբեք այսքան նախաձեռնող չի եղել: Կարևոր գործընթացներ են սկսվել: Մեծ աշխատանք են իրականացնում ՄԻԵԴ-ում Հայաստանի ներկայացուցիչը և իր գրասենյակը:

Մի շարք այլ իրավական պրոցեսներ են սկսվել, օրինակ՝ Կառավարությունը սկսել է վարձկանների հավաքարման, ֆինասավորման, ուսուցման և օգտագործման դեմ ՄԱԿ-ի կոնվենցիաի վավերացման պրոցեսը: Բազմաթիվ կոնվենցիաներով արգելվում է վարձկանների մասնակցությունը ռազական գործողություններին: ՄԱԿ-ի կոնվենցիայով արգելվում է ազգային ինքնորոշման սկզբունքն իրացնող սուբյեկտների դեմ վարձկանների օգտագործումը, դա ռազմական հանցագործություն է:

Կարևոր է նաև Հայաստանի և Արցախի ՄԻՊ-երի աշխատանքը. նրանք փաստահավաք աշխատանք են իրականացնում, որպեսզի կարողանանք դրանք օգտագործել իրավական պրոցեսներում»,- այս մասին «Առաջին լրատվական»-ի հետ զրույցում ասաց ՀՀ Արդարադատության նախարար Ռուստամ Բադասյանը:

Նախարարն ընդգծեց, որ բավականին շատ են փաստերը Ադրբեջանի կողմից կատարված ռազմական հանցագործությունների  և վարձկանների մասնակցության մասին: «Այս ամբողջ պրոցեսը փաստում է մի բանի մասին՝ Արցախը չի կարող լինել Ադրբեջանի կազմում: Ինչպես Կոսովոյի դեպքում, այստեղ էլ կարող է կիրառվել «Անջատում՝ հանուն փրկության» տարբերակը: Միջազգային հանրության ընկալումը փոխվել է Արցախի նկամամբ. Թուրքիայի մասնակցությունը, վարձկանների ներգրավումը, Ալիևի հայտարարությունները (օրինակ՝ «շների պես կհեռացնենք հայերին») հանգում  են մի պնդման, որ Արցախը չի կարող գոյակցել Ադրբեջանի կազմում, Արցախը չի կարող լինել Ադրբեջանի կազմում, դա ուղղակի բացառված է, որովհետև Արցախի հայության կյանքի իրավունքին վտանգ է սպառնում»:

Մանրամասները՝ տեսանյութում:

  • Դիտումներ՝ *