Ակնհայտ է, որ այս պատերազմի նպատակը Արցախը, Շուշին կամ Հադրութը չէ, այս պատերազմի նպատակը Հայաստանն աշխարհաքաղաքական քարտեզից վերացնելն է, և եթե հնարավոր է իսպառ բնաջնջելը: Այս գիտակցումը որքանո՞վ կա մեր հանրության շրջանում և ի՞նչ տրամադրություններ են տիրում:
«Երանի եմ տալիս նրանց, ովքեր առաջնագծում են այսօր, որովհետև ամենաճիշտը նրանք են: Այսօր խաղաքարտին դրված են շատ լուրջ հարցեր, և այդ բոլոր հարցերին պատասխանողը միայն մենք՝ ինքներս կարող են լինել, մյուսները կողմնակի են: Մեր զավակներն են այս հարցերին պատասխան տվողը, նրանք գիտեն ինչ են անում ու ինչի համար են անում: Ամեն րոպե ռազմաճակատում կարող է ընկնել տղաներից մեկը: Ես խոնարհվում եմ բոլորի ծնողների ու հարազատների առաջ»,- «Առաջին լրատվական»- ի հետ զրույցում ասաց ռեժիսոր Հրանտ Վարդանյանը:
«Ճմրթած խոսակցությունները խոհանոցներից թող դուրս չգան: Ամուր թիկունք ունենալը կարևոր է: Բամբասչիների, շանորդիների ապուշ-ապուշ խոսակցություններին վերջ է պետք տալ, այսօր թուլանալ չի կարել: Աշխարհի բոլոր հայերը ոտքի են կանգնել, հասկանում են, որ սա Սարդարապատ է, սա հայրենական պատերզամ է, որտեղ նժարին դրված է մեր լինել-չլինելու հարցը:
Արցախի հարցը պետք է ուղղել մի տեղ՝ բոլշևիկների իրավահաջոդ Կրեմլին. ի՞նչ է նշանակում անմարդկային որոշումներով մարդկանց, իրենց հազարամյա հողով, տեղով ապրուստով մի ամբողջ ժողովրդից կտրել, ուրիշ տարածքում ինքնավար մարզի կարգավիճակ տալ: Սա ձեզ համար փորձադաշտ չէ, ու հայը թուրքին կերակրելու կեր չի ձեզ համար, ձեր հարցերը հարավում միշտ մեր միջոցով եք ուզում հարցեր լուծել: Հարցերը պետք է կոնկրետ դնել. բարեկամություն, եղբայրություն. էս ղզիկ խոսակցություններին վերջ է պետք տալ: Ոնց որ այդ քայլն արել են, այդպես էլ թող դատապարտեն ու այդ հարցը լուծեն»,- ասաց ռեժիսորը:
Մանրամասն՝ տեսանյութում: