Պատերազմները լինում են բացարձակ ու սահմանափակ նպատակներով։ Բացարձակը, դա թշնամու իսպառ ոչնչացումն է, նրան ծնկի բերելը, կապիտուլյացիայի ենթարկելը, իսկ սահմանափակն այն է, երբ նպատակ ես դնում ու ջախջախում ես թշնամուն, այսինքն՝ մեծ վնասներ ես հասցնում նրան։
Ինչպե՞ս կբնութագրեք մեր այս պատերազմը․ «Առաջին լրատվական»-ի հարցին կառավարման փորձագետ Սերոբ Անտինյանը պատասխանեց․ «Այս պատերազմի բնութագիրը մեր ռազմաքաղաքական ղեկավարության կողմից ճշգրիտ տրվեց՝ բնորոշելով այն իբրև էքզիստենցիալ վտանգի հետ կապված պատերազմ։ Այսինքն՝ ըստ էության, մենք այս պահին խնդիր ունենք գոյաբանական բնույթի պատերազմի հետ, երբ հակառակորդը շատ ընդգծված և բաց քաղաքականություն է վարում, իսկ տվյալ դեպքում նա հստակ ռազմական գործողություններով ցույց է տալիս իր նպատակը, այն է՝ հայ ժողովրդի ֆիզիկապես բնաջնջումն իր բնօրրանից, իր հայրենիքից։ Այս առումով մեր պատերազմն իսկապես գոյաբանական է, կամ ինչպես բնութագրվել է՝ գոյութենական է։ Մենք այսօր կենաց և մահու կռիվ ենք տալիս մեր հայրենիքում ազատ ապրելու և զարգանալու համար։
Մենք մեծ հեռանկարում պետք է նկատի ունենանք, որ այս հակամարտությունն ու հակասությունները, որոնք բերում են ըստ էության այս իրավիճակին, պարբերական կրկնվելու մեծ հակումներ ունեն, որովհետև մեր թշնամին իր նպատակը ֆիքսել է վաղուց՝ 100-ամյակներ ըստ էության զբաղված է այդ գործով, և պատեհ առիթ էր փնտրում, ու կարծես՝ այս անգամ գտել է՝ լուծելու իր խնդիրը։ Եվ մենք ապագայում պետք է նկատի ունենանք սա ու մեր մեծ ռազմավարության մեջ պետք է ստեղծենք անվտանգային մի այնպիսի իրավիճակ, որ հակառակորդն այս ուղղությամբ այլևս չփորձի մտածել»։
Մանրամասները՝ տեսանյութում։