ՀՌՀ նախագահ Տիգրան Հակոբյանը ֆեյսբուքյան իր էջում գրել է.
Լիովին համամիտ եմ Լիլիթ Թումանյանի գրառման հետ: Միայն մի տեղեկանք ավելացնեմ. Տիկին Թումանյանը ղեկավարում է FM տիրույթում հեռարձակվող ռադիոներից մեկը: Եվ պատերազմի ամենաթեժ օրերի ժամանակ, երբ արդեն ռազմական դրություն էր հայտարարված, եւ հարյուրավոր զոհեր եւ վիրավորներ ունեինք, բարոյական նորմերից զուրկ երեք կին տիկին Թումանյանի ղեկավարած ռադիոյի եթերում 40 րոպե անվերջ տարածում են ատելություն, չարություն, կեղծիք, խուճապ:
5 էջանոց հաղորդման սղագրությունից մեջբերեմ միայն մի քանի արտահայտություն (փակագծերում հաղորդման մոտավոր րոպեներն են):
(≈4:05) Պարգևատրել էին այն բժիշկներին, ովքեր իրենց կողմից կոպիտ ուղղորդված ձևով ՍՊԱՆՈՒԹՅՈՒՆՆԵՐ են արել։ Ընթանում են դատական պրոցեսներ և պարզվում է, որ նրանք կորոնավիրուսից չեն մահացել, այլ ՀԻՎԱՆԴԱՆՈՑՈՒՄ ՍՏԱՑԱԾ ԿՈՏՐՎԱԾՔՆԵՐԻՑ, ԵՐԿԱՐ ԺԱՄԱՆԱԿ ՍՈՎԱԾ ՈՒ ԾԱՐԱՎ ՄՆԱԼՈՒՑ:
Էս մարդը (վարչապետը) ասում է պետք է դիմակ կրեք, թե չէ կտուգանեմ…., որպեսզի ստանամ պարգևավճարներ, ԱԺ-ն ստանա պարգևավճարներ և ՀԼՈՒՀՆԱԶԱՆԴ ԿԱՏԱՐԻ ՍՈՐՈՍԻ Եւ ԱԼԻԵՎԻ ՀՐԱՀԱՆԳՆԵՐԸ։
(≈12:55) Սա թշնամու ծրագիրն էր, որ իրականացվեց հայի ազգանունը կրող, բայց ոչ հայի միջոցով, ես գնալով համոզվում եմ, որ ՄԵՐ ԵՐԿԻՐԸ ՂԵԿԱՎԱՐՈՒՄ Է ԱՆՁ, ՈՐԸ ՀԱՅ ՉԻ։
Սեպտեմբերի 21-ին Նիկոլ Փաշինյանը ասաց․ Հայաստանի վերափոխման ռազմավարություն ենք իրականացնում։ Այսինքն, ՀԱՅԱՍՏԱՆԸ ՎԵՐԱՓՈԽՎՈՒՄ Է Ի ՇԱՀ ԹՈՒՐՔԻՙ Ի ՇԱՀ ԱԶԵՐՈՒ։
(≈28:00) – Մարդիկ այլևս այդ խոսքերը չեն ընկալում, այն ինչին հավատում էին ոգևորված։ ՀԻՄԱ ՔԱՈՍԻ ԻՐԱՎԻՃԱԿ Է։ ՀԱՅԱՍՏԱՆԸ ԱՐՏԱՔԻՆ ԿԱՌԱՎԱՐՄԱՆ ՏԱԿ ԳՏՆՎՈՂ ԵՐԿԻՐ Է:
Ներողություն եմ խնդրում այս օրերին սույն բառամթերքը իմ էջում տեղադրելու համար: Եւ մի հարց տամ տիկին Թումանյանին եւ իր գրառումը հավանողներին: Ինչպես եք կարծում, ով՞ էր առնվազն հաղորդման այդ 40 ր. ընթացքում, ըստ էության, թուրքա-ադրբեջանական դաշինքի երրորդ՛ թեպետ անտեսանելի, բայց շատ արդյունավետ ինֆորմացիոն դաշնակիցը: Այդ հարցին ինքներդ ձեզ պատասխանեք, եւ պատասխանելուց հետո թարգեք ձեր ֆեյսբուքյան պրիմիտիվ Մանիպուլյացիաները: Ժամանակը չի, դեռ կհասցնեք հաղթանակից հետո:
https://www.facebook.com/tigran.hakobyan.31/posts/3444785142234334