Ակնհայտ է, որ Արդբեջանը չի պատրաստվում հրադադար պահպանել. պատերազմը շարունակվում է: Հրադադարի պայմանավորվածությունը կա՛մ Ռուսաստանի ճնշումն էր, կա՛մ մանևր: Այս մասին «Առաջին լրատվական»-ի հետ զրույցում ասաց քաղաքագետ Ալեքսանդր Իսկանդարյանը:
«Ալիևը այս խաղի մեջ մտնելով, գիտեր, թե որն է լինելու դրա գինը, նա իհարկե հասկանում էր, որ Միսնկի խումբը դժգոհություն կարտահայտի, որ դժգոհ կլինեն Պուտինը, Լավրորվը, Մակրոնը և որ փորձեր կարվեն բանակցային սեղանի շուրջ հրավիրելու՝ Մինսկի խմբի ձևաչափով գործընթացը շարունակելու համար, որ հրադադարի կոչեր կարվեն, բայց խաղադրույքները շատ մեծ են, Ալիևը ստիպված է գնալ վա-բանկ: Որպեսզի Ալիևը ստիպված հրադադարի գնա, պետք է ճնշում լինի, բայց ոչ թե քաղաքական ճնշում, այլ ինչ-որ ուրիշ ճնշում:
Էրդողանի խաղադրույքները այնքան էլ մեծ չեն այդպիսի մեծ հնարավորություններ ունեցող երկրի համար: Էրդողանի համար ռիսկերը նվազագույն են: Թուրքիան ցանկացած դեպքում շահում է»,- ասաց Իսկանդարյանը:
Անդրադառնալով դիտարկմանը, որ հրադադարի կոչեր են հնչում, բայց քայլեր չեն ձեռնարկվում քաղաքագետը նշեց, որ ոչ ոք մեր փոխարեն գործը չի անի «Ո՛չ Ռուսաստանը, ո՛չ ԱՄՆ-ը, ո՛չ Ֆրանսիան պատերազմական օպերացիաներ չեն իրականացնելու, նրանք կփորձեն ինչ-որ կերպ ճնշումներ գործադրել Ալիևի վրա, ճնշման միջոցները, որ այժմ կան, բավարար չեն: Պետք է բարձրացնել ճնշման մակարդակը: Տեսնում ենք, որ փոքր ինչ բարձրանում է ճնշման մակարդակը: Ռուսներին սկսել է անհանգստացնել տարածաշրջանում ստեղծված իրավիճակը, սիրիացի զինյալների ներգրավվածությունը… Էրդողանի ձեռագիրը նույնն է ամեն տեղ, նրա քաղականության ոճն է՝ խնդիրներ ու դժվարություններ առաջացնել՝ փորձելով դիվիդենտներ քաղել»:
Մանարամասն՝ տեսանյութում:
