Մենք շատ վատ ենք վերաբերվում դրան։ Այս մասին «Առաջին լրատվական»-ի հետ զրույցում նշեց Հայաստանի հրեական համայնքի ղեկավար Ռիմա Վարժապետյանը՝ անդրադառնալով Իսրայելի կողմից Ադրբեջանին զենք մատակարարելուն։
Նշենք, որ Հայաստանի հրեական համայնքը նամակ է հղել Իսրայելի նախագահին, վարչապետին, Կնեսեթի նախագահին՝ կոչ անելով դադարեցնել զենքի վաճառքը Ադրբեջանին։
«Նախ մենք ցավակցում ենք հայ ժողովրդին, ցավակցում ենք ինքներս մեզ, որովհետև մենք էլ ՀՀ քաղաքացիներ ենք։ Մենք ցավակցում ենք այն ընտանիքներին, որոնք կորցրել են երեխաներին, որդիներին, հարազատներին, ընկերներին։ Սա մեզ համար շատ մեծ ցավ է, հետևաբար մենք հայ ժողովրդի հետ միասին շատ տխրում ենք, որ այս հակամարտության մեջ անընդհատ շրջանառվում է Իսրայելի անունը։ Չնայած նրան, որ ոչ միայն Իսրայելն է զենք մատակարարում Ադրբեջանին, ցավալի է, որ շեշտը դրվում է միայն Իսրայելի վրա։ Այդուհանդերձ, մենք արել ենք մեր դիմումը և մեծ հույս ունենք, որ դա արդյունք կտա։ Հայտարարություն միայն մենք չենք արել, Հայաստանում մեր համայնքի շատ անդամներ են նման դիմումներ հղել, նաև Իսրայելում ապրող ՀՀ շատ քաղաքացիներ, նաև աշխարհի տարբեր երկրներում ապրողներ։ Օրինակ, իմ ագավ որդին Նյու Յորքում է ապրում, նա անընդհատ մասնակցում է հայերի կազմակերպած հանրահավաքներին։ Շատ հրեաներ են մասնակցում այդ հանրահավաքներին»,-ասաց Վարժապետյանը։