Ներկայացվել է 2021 թվականի պետական բյուջեի ամփոփ նկարագիրը։
Ի՞նչ է այն նախատեսում․ «Առաջին լրատվական»-ի հարցին Ազգային ժողովի տնտեսական հարցերի մշտական հանձնաժողովի նախագահ Բաբկեն Թունյանը պատասխանեց․ «Եկող տարվա պետական բյուջեում արտացոլվում են նաև այս տարվա իրողությունները, որովհետև այս տարի ունենք տնտեսական անկում՝ ամենայն հավանականությամբ տարին կփակվի 6 տոկոս տնտեսական անկումով։ Ունենք պետական պարտքի մակարդակի որոշակի աճ և, բնականաբար, հաջորդ տարվա բյուջեն հենվելու է այդ իրողությունների վրա։ Այսինքն՝ ըստ հարկաբյուջետային կանոնների՝ եկող տարի մենք որոշակի ծախսերի սահմանափակումներ ենք ունենալու։ Կան ուղղություններ, որտեղ պետությունը պետք է խնայողություններ անի, և կան ուղղություններ, օրինակ, կապիտալ ծախսերը, որտեղ պետք է ավելի ագրեսիվ վարքագիծ դրսևորենք տնտեսությունը զարգացնելու և այս իրավիճակից դուրս գալու համար։
Մինչև Ազգային ժողովի կողմից բյուջեի հաստատումը, բնականաբար, կլինեն նաև առաջարկներ, որոշակի փոփոխություններ, հաշվի կառնվի նաև պատերազմի ազդեցությունը և դրա հնարավոր հետևանքներն ու սցենարները։ Հույս ունեմ, որ այս ամեն ինչն արագ կավարտվի և այդ առումով շատ բան փոխելու առիթ չենք ունենա»։
Գաղտնիք չէ նաև, որ պատերազմն ահռելի ծախսեր ու ռեսուրսներ է պահանջում։ Մեր պետությունն ունի՞ այդ հնարավորությունները․ «Առաջին լրատվական»-ի հարցին Բաբկեն Թունյանը պատասխանեց․ «Միանշանակ պատրաստ ենք, որովհետև այստեղ պետք է հաշվի առնել ոչ միայն Հայաստանի ռեսուրսները, այլ նաև Սփյուռքի։ Ես նկատի չունեմ միայն այն հանգանակությունները, որոնք այսօր կատարվում են»։
Մանրամասները՝ տեսանյութում։