Այսօր ամբողջ աշխարն է հիացած հայ տղամարդու ու կնոջ, հայ մայրերի ու զավակների, ընտանիքների և ընդհանրապես հայության միասնությունով: Դա մեր առաջին հաղթանակն է, մենք արդեն հաղթել ենք՝ ըստ մեր պահվածքի: Սա մեր երազելի պահն է. հայ տղամարդը երազել է հայերենով հրաման տալ՝ կրա՛կ, և պաշտպանել հայրենյաց հողը: Ամբողջ աշխարհի հայությունը կանգնել է մեր սրբազան կռիվը տալու և հաղթանակը շուտափույթ ունենալու համար: Հայը իր հոգով առյուծ է, նրան պետք է հնարավորություն տալ հերոսանալու, այսօր մենք պատվով ենք կատարում մեր հերոսությունը: Այս մասին «Առաջին լրատվական»-ի հետ զրույցում ասաց քանդակագործ Վիգեն Ավետիսը:
«Հայը միշտ ուզում է օգտակար լինել. տեսեք՝ տղերքը գնում են կռվելու՝ ֆիզիկոս, քիմիկոս, բժիշկ… Գնում են, որովհետև ուզում են այս մեծ գործում իրենց օգտակարությունն ունենալ: Հայը նվիրվել գիտի: Խաչ սարքող արծաթագործն այսօր հրետանի է կրակում և մեր սահմաններ է պաշտպանում… Մեզ տեղեկատվական պատերազմը չի սպառնում, հայի վերլուծական միտքը պայծառ է: Ամենահմուտ կախարդն էլ, ամենահմուտ տեղեկատվական ընկերություններն էլ չեն կարող մեզ շեղել:
Հայության համար զարթոնքի պահ է: Սփյուռքը այսօր մեր էպոսի Ձենով Օհանն է, ձայն է տալիս Դավթին, որ նա դուրս գա փոսի միջից: Հիշենք, որ Դավիթը վերջին զարկով Մսրա Մելիքին կտրում է մեջտեղից: Այսօր էլ պետք չէ ադրբեջանցի ժողովրդին սպանել, պետք է երկու «մսրամելիքներին սպանել», որոնք դուրս են եկել ամբողջ մարդկության դեմ, ու նրանց մահով ամբողջ աշխարհը կուրախանա, աշխարհը կշնչի»,- նշեց Վիգեն Ավետիսը:
Մանրամասն՝ տեսանյութում: