Ադրբեջանական լրատվամիջոցները տեղեկություններ են տարածում այն մասին, որ իբր Կարմիր Շուկայի ուղղությամբ նահանջող ՊԲ ստորաբաժանումներին հասցվել են հրետանային հարվածներ, որոնց արդյունքում կան լուրջ կորուստներ: Ադրբեջանական քարոզչամեքենան, սովորության համաձայն, խեղաթյուրում է իրականությունը՝ փորձելով ամեն գնով ապացուցել Հադրութը վերահսկողության տակ վերցնելու մասին Ի. Ալիևի մերկապարանոց հայտարարությունը: ՊԲ ստորաբաժանումները ռազմաճակատի ամբողջ երկարությամբ շարունակում են վստահորեն կատարել առաջադրված մարտական խնդիրները: ՊԲ ստորաբաժանումները միևնույն ժամանակ հաջողությամբ կասեցնում են հումանիտար հրադադարի ռեժիմին չհետևող ադրբեջանական զինուժի հարձակողական գործողությունների փորձերը: Հադրութի ուղղությամբ շարունակվում է ներթափանցած դիվերսիոն-հետախուզական խմբի շրջափակման և ոչնչացման ռազմագործությունը: Օպերատիվ իրադրությունը գտնվում է ՊԲ լիարժեք վերահսկողության ներքո:
Թուրքիայի ռազմաօդային ուժերի F-16 կործանիչների պատսպարմամբ ադրբեջանական օդուժը սահմանի երկայնքով կիրառում է Սու-25 գրոհիչ ինքնաթիռներ։
Արցախի ՊԲ ՀՕՊ ստորաբաժանումները հյուսիսարևելյան ուղղությամբ խոցել են հակառակորդի մեկ միավոր Սու-25 գրոհիչ։
ՊԲ հակաօդային պաշտպանության միջոցներով հոկտեմբերի 12-ին արևելյան ուղղությամբ խոցվել է հակառակորդի «ԱՆ-2» տիպի անօդաչու ռմբակոծիչ ինքնաթիռ: Թեմայի շուրջ «Առաջին լրատվական»-ը զրուցել է քաղաքագետ Ալեն Ղևոնդյանի հետ:
Ալեն Ղևոնդյանը, անդրադառնալով վարչապետ Նիկոլ Փաշինյանի հանդիպմանը արտախորհրդարանական քաղաքական ուժերի հետ, նշեց. «Այդպիսի քայլերը դրական եմ համարում, որովհետև մեր երկրի նման երկրներում ճամբարային մտածողությունը երկրի ազգային անվտանգության համար սպառնալիք է: Պատերազմի ժամանակ պետք է ուժերի մոբիլիզացիա տեղի ունենա: Ակնհայտ է, որ մեր հարևաններից մի քանիսը բնաջնջման օրակարգ ունեն մեզ հետ կապված, և մենք պետք է քաղաքական հասությունություն ունենանք ինքնաոչնչացման, ճամբարների բաժանման փոլիսոփայությունից զերծ մնանք»:
Արցախի նախագահ Արայիկ Հարությունյանի գնահատմամբ՝ իրավիճակը օրհասական է, զոհասեղանին հայրենիքն է, նա Արցախյան գոյամարտի մասնակիցներին կոչ է արել մասնակցել պատերազմին և նշել է, որ հնարավոր է հայրենական պատերազմի կոչով հանդես գա: Անդրադառնալով այս դիտարկմանը՝ Ալեն Ղևոնդյանը նշեց. «Երբ հայրենիքը խլելու և բնաջնջման վտանգ է առաջանում, ազգը դառնում է բանակը: Արայիկ Հարությունյանի կոչը ադեկվատ է իրավիճակին: Ենթադրում եմ, որ ռազմական գործողությունների երկրորդ փուլ է սկսվում»:
Մանրամասն՝ տեսանյութում: