Վարչապետ Նիկոլ Փաշինյանը նախօրեին հադիպել է խորհրդարանական և այսօր՝ արտախորհրդարանական քաղաքական ուժերի ներկայացուցիչների հետ. օրակարգում Լեռնային Ղարաբաղի հարցն էր:
«Հանդիպումը տեղեկատվություն փոխանակելու, առաջարկներ լսելու ձևաչափով էր և ոչ թե որոշումներ կայացնելու ձևաչափով: Տեղի ունեցավ մտքերի փոխանակում, կուսակցությունները ներկայացրին իրենց դիրքորոշումները»,- այս մասին «Առաջին լրատվական»-ի հետ զրույցում ասաց «Քաղաքացու որոշում» կուսակցության գործադիր մարմնի քարտուղար Սուրեն Սահակյանը, ով նույնպես մասնակցում էր հանդիպմանը:
Սուրեն Սահակյանի դիտարկմամբ՝ ստեղծված իրավիճակում խնդիրը Արցախի հակամարտության կարգավարման հարցի շրջանակներից դուրս է եկել, վերաճել է տարածաշրջանային, եթե շասենք համաշխարհային անվտանգության խնդրի. «Հարցը ոչ միայն Հայաստանի ու Ադրբեջանի տիրույթում է, այլ միջազգային շահերի բախման տիրույթում: Եվ Հայաստանի ու Ռուսաստանի շահերը այս փուլում համընկնում են, և դրա գիտակցումը, կարծում եմ, կա երկուստեք»:
Մանրամասն՝ տեսանյութում: