Ավար ժողովրդի ներկայացուցիչը դիմել է Infors կայքի խմբագրություն և հայտնել, որ ավարներն աղետալի վիճակում են: Բանն այն է, որ ադրբեջանական զինուժը բռնի ուժով ռազմաճակատ է տարել 35 տարեկանից ցածր ավար տղամարդկանցով լցված 190 միկրոավտոբուս, հայտնում է Բաղրամյան 26 Telegram-ալիքը:
Նրա խոսքով, իշխանությունները միտումնավոր պատերազմ են ուղարկում ազգային փոքրամասնությունների ներկայացուցիչներին:
Ավելի վաղ հաղորդվել էր, որ այս օրերին Ղարաբաղում սպանվածների 50%-ը թալիշներ են: Սա վկայում է այն մասին, որ Բաքուն մտադրվել է հայերի ձեռքով ոչնչացնել Ադրբեջանի ազգային փոքրամասնություններին:
Հայտնի է, որ Լենքորանում թալիշներն արդեն առճակատում են սկսել Ալիևի ռեժիմի դեմ, քանի որ նրանք բազմիցս հայտարարել են, որ չեն ցանկանում պատերազմել հայերի հետ, սա նրանց պատերազմը չէ:
Իր հերթին, Արցախի Հանրապետության խորհրդարանի խոսնակ Արթուր Թովմասյանը դիմել է Ադրբեջանի ազգային փոքրամասնություններին և կոչ արել ոչ թե կռվել Ղարաբաղում, այլ անցնել հայկական կողմ, որտեղ նրանց կընդունեն ինչպես հյուրի և ցանկության դեպքում կօգնեն տեղափոխվել երրորդ երկրներ: