Ավստրալիայում Ադրբեջանի դեսպանատունը կապվել է հույն լրագրող Պոլ Անտոնոպուլոսի հետ այն բանից հետո, երբ Greek City Times-ում արցախյան հակամարտության վերաբերյալ վերլուծական նյութ է հրապարակվել: Այս մասին հաղորդել է հույն վերլուծաբանը՝ սոցցանցերում տեղադրելով զրույցի սքրինշոթը:
Կանբերայում Ադրբեջանի դեսպանատան ներկայացուցիչը փորձել է հույն վերլուծաբանին «համոզել» ներկայացնել ադրբեջանական քարոզչությունը, պնդելով, որ հունական City Times-ում հրապարակված հոդվածը «միակողմանի է»:
Այն բանից հետո, երբ Անտոնոպուլոսը կտրականապես մերժել է որևէ կերպ ադրբեջանական քարոզչությամբ զբաղվելու առաջարկը, Ադրբեջանի դեսպանատունը «հանգիստ է թողել» վերլուծաբանին: Ըստ ամենայնի, Բաքվում հասկացել են, որ անիմաստ է պայքարել փաստերի դեմ նման էժանագին հնարքներով:
Անտոնոպուլոսը «Թվիթեր»-ում գրել է, որ Ադրբեջանի ԱԳՆ-ին հնարավորություն է տվել ապացուցելու, որ Սիրիայից տեղափոխված ահաբեկիչները չեն մասնակցում Արցախի դեմ պատերազմին: Բայց նման ապացույցներ, իհարկե, չեն ներկայացվել:
«Ես ներողություն եմ խնդրում Ադրբեջանից, բայց ինձ հետաքրքիր չէ լսել բռնապետ Իլհամ Ալիևի քարոզչական դրդապատճառները: Ես հնարավորություն տվեցի Ադրբեջանի ԱԳՆ-ին բացատրել, թե ինչու են սիրիացի ահաբեկիչները կռվում Արցախում: «Նրանք ինձ բացահայտ ստեցին»,- գրել է Անտոնոպուլոսը:
