Վրացական բանակը սկսել է իր ստորաբաժանումները վերազինել ամերիկյան արտադրության «նատօյական» 5.56 մմ պարկուճով M249 թեթև գնդացիրներով: Այս մասին հաղորդում է Վրաստանի պաշտպանության նախարարության մամուլի ծառայությունը:
Սկզբում նման զենք կստանան ամերիկյան ծրագրով պատրաստվածություն անցած դասակները, ինչպես նաև զորավարժությունների և ռազմական կրթության հրամանատարության ստորաբաժանումները:
GDRP ծրագիրը գործում է 2018թ.-ի մայիսից և ենթադրում է ՆԱՏՕ-ի չափանիշներին համապատասխան վրացական ինը շարժական գումարտակների պատրաստում և զինում: Նահանգները սատարում են ծրագիրը, գրում է «Ինտերֆաքս»-ը:
