Թուրքիայի մասնակցության հարցը պատահական չէր: Այսօր տեղի ունեցած ասուլիսի ընթացքում հայտնեց ԱՀ նախագահ Արայիկ Հարությունյանը:
«Թուրքիայի տարածաշրջանի նկատմամբ, ընդհանուր հայկական աշխարհի առումով արդեն հարյուրամյակներ էր ընթանում: Հնարավորություն կունենանք հետագայում ավելի մանրամասն ներկայացնել պանթուրքիզմի ճանապարհային քարտեզն առաջիկա ժամանակահատվածում: Բայց ուզում եմ նշել, որ հիասթափվելու են, չի ստացվելու դա:
Ունենք հերոսական ժողովուրդ, հերոսական երիտասարդություն, որոնք պատրաստ են կյանքի գնով պաշտպանելու հող հայրենիքը: Որովհտև ունենք տասնութ տարեկան երիտասարդ, որն արդեն հասցրել է խոցել հակառակորդի ինը զրահատեխնիկա և շարունակում է զինվորական ծառայությունը հիմա: Որովհետև ունենք արցախյան առաջին պատերազմի, Ապրիլյան պատերազմի մասնակից մարտական ընկերներ, որոնք երկու օրվա մեջ կարողացել են հակառակորդի երեք տեխնիկա առգրավել ու այսօր օգտագործել հակառակորդի դեմ: Ունենք հայրենակից, որը, վերցնելով նռնակները, նետվել է թշնամու խրամատը, օգտագործել իր ամբողջ հնարավորությունները, վնաս հասցրել մեր հակառակորդին և վերջում պայթեցրել իրեն թշնամիների հետ միասին: Որովհետև ունենք հայրենակից, որը ժամերի ընթացքում թողել է եվրոպական հաճելի կյանքը, մեծ ունեցվածքը և այսօր գտնվում է առաջնագծում:
Որովհետև մենք վարձկաններ չենք փնտրում այլ երկրներում, և այդ վարձկանները մեր գլխին պատուհաս չենք դարձնում ժամանակի ընթացքում»,-ասաց Հարությունյանը:
Հարությունյանը հայտարարեց՝ Արցախն իր պատմության մեջ երբևէ չի գրավվել:
