Այս պահին 2020թ. բյուջեի փոփոխություն չկա, սակայն ռազմական դրության, ինչպես նաև այլ իրավիճակում կառավարությունը կարող է նախաձեռնել բյուջեի փոփոխություններ, կատարել վերաբաշխումներ: Այս մասին «Առաջին լրատվական»-ի հետ զրույցում ասաց վարչապետի խորհրդական Մեսրոպ Առաքելյանը:
«Պատերազմը ցույց է տալիս, որ մեր բանակին ուղղված ծախսերը արդյունավետ են, և բանակը կարողանում է իրականացնել իր առջև դրված խնդիրները»,- նշեց Մեսրոպ Առաքելյանը: Նա նաև հավելեց, որ այս պահին որևիցե խնդիր չկա նաև սննդի հետ կապված, բայց որքան էլ պետությունը հայտարարում է, որ կարիք չկա, յուրաքանչյուրը, ով չի մասնակցում պատերազմական գործողություններին, իր պարտքն է համարում ինչ-որ կերպ աջակցություն ցուցաբերել. «Աջակցությունն ավելի արդյունավետ և համակարգված իրականացնելու համար տրամադրվել են հաշվեհամարներ՝ հաշվի առնելով, որ ավելի նպատակահամար է դրամական աջակցությունը»:
Վարչապետի խորհրդականի հավաստմամբ՝ այս օրերին փոքր բիզնեսի ներկայացուցիչներից մինչև խոշոր գործարարներ դրամական և նյութական այլ տեսքով աջակցություն են ցուցաբերում. «Սակայն բանակի երկարատև մարտունակության համար անհարժեշտ է ունենալ հզոր տնտեսություն»:
Մանրամասն՝ տեսանյութում:
