ԱՄՆ նախագահի դեմոկրատ թեկնածու Ջո Բայդենը առաջին հեռուստաբանավեճի ժամանակ Դոնալդ Թրամփին անվանել է «Պուտինի լակոտը»: Բանավեճը հեռարձակվել է CNBS-ի կողմից:
«Այս նախագահի (Թրամփի) ղեկավարության ներքո մենք դարձել ենք ավելի թույլ, աղքատ, ավելի պառակտված և ավելի դաժան»,- ասել է Բայդենը: Նա հավելել է, որ նախագահ Վլադիմիր Պուտինին «հասկացրել» է, որ «մենք չենք տրվի նրա հնարքների», մինչդեռ Թրամփը՝ «Պուտինի լակոտն է»:
Բայդենի խոսքով, Թրամփը «մինչ այժմ հրաժարվում է Պուտինին նույնիսկ ինչ-որ բան ասել ամերիկացի զինվորների գլուխների համար սահմանած պարգևների մասին»: Նա նաև Թրամփին անվանել է «ԱՄՆ պատմության մեջ ամենավատ նախագահը»:
ԱՄՆ նախագահական ընտրությունները տեղի կունենան նոյեմբերի 3-ին: Դեմոկրատական կուսակցությունը ներկայացնում է նախկին փոխնախագահ Ջո Բայդենը, իսկ Հանրապետական կուսակցությունը՝ գործող նախագահ Դոնալդ Թրամփը:
