Ֆրանսիայի Օվեր-Ռոն-Ալպեր երկրամասի ղեկավար, ֆրանսիացի քաղաքական և պետական գործիչ, բարձրագույն կրթության և հետազոտությունների նախկին նախարար Լորան Վոքիեն դատապարտել է Հայաստանի դեմ Ադրբեջանի ռազմական ագրեսիան:
Ինչպես հաղորդում է «Արարատ» Telegram-ալիքը, ֆրանսիացի նախարարը իր երկրի իշխանություններին կոչ է արել միջամտել հակամարտությանը:
«Այսօր Ադրբեջանի ռազմական գործողությունն ուղղակիորեն սպառնում է խաղաղությանը Հայաստանում և արդեն իսկ մեծ տառապանքներ է առաջացրել խաղաղ բնակչության շրջանում: Ես խստորեն դատապարտում եմ դա, քանի որ Հայաստանի սահմանները հաստատված և ճանաչված են միջազգային իրավունքով: Ուստի ես կոչ եմ անում Ֆրանսիայի իշխանություններին շտապ զբաղվել այս հարցով և պաշտոնապես խնդրում եմ Բաքվին դադարեցնել ռազմական գործողությունը: Հայաստանի՝ պատմական դաշնակցի համար, որի ժողովուրդը խաղաղության և անվտանգության լիակատար իրավունք ունի»,- ասել է Վոքիեն:
