Սիրիական Հմեյմիմում և Տարտուսում տեղակայված ռազմակայանները Ռուսաստանի համար շահավետ են ոչ միայն ռազմական և քաղաքական, այլև տնտեսական տեսակետից: Այդ մասին, ՌԻԱ Նովոստիին տված հարցազրույցում հայտարարել է Սիրիայում Հակամարտող կողմերի հաշտեցման և փախստականների տեղաշարժի նկատմամբ հսկողության ռուսական կենտրոնի նախկին պետ պաշտոնաթող գեներալ-լեյտենանտ Սերգեյ Չվարկովը: Նա «բացառիկ կարևոր է» համարել Սիրիայում Ռուսաստանի ռազմակայանների առկայությունը:
«ՌԴ-ի ռազմաքաղաքական ղեկավարության որոշումները հարկ էճանաչել հիմնավորված և ճիշտ, որպեսզի այնտեղ տարբեր լիբերալ տնտեսագետներ չփորձեն հայտարարել տվյալ որոշումների չափազանց ծախսատարության մասին: Եթե տվյալ խնդրին մոտենանք համակարգված ձևով, քաղաքական շահավետության մասին չեմ խոսի, բայց նաև Սիրիայում ռազմակայաննների տեղակայման տնտեսական նպատակահարմարությունն Է դառնում ակներև»,-ասել Է Չվարկովը, որը կենտրոնը գլխավորել Է 2016 թվականին: Նա պարզաբանել Է, որ խոսքն առաջին հերթին նավթագազային սեկտորի, գյուղատնտեսության և լոգիստիկայի մասին է: «Հարկավոր Է միայն ներքաշվել այդ խնդրի մեջ: Բայց ջուրը ջրաղացին լցնելը միշտ չԷ, որ ալյուր ստանալ Է նշանակում: Պարզապես հացահատիկ է հարկավոր»,-հավելել Է գեներալը: