Լուրեր
Ադրբեջանի հանցագործությունների մասին ԱՀ ԱԳՆ փաստաթուղթը տարածվել է ԵԱՀԿ-ում․ Մայիլյան

ԱՀ արտաքին գործերի նախարար Մասիս Մայիլյանը սեպտեմբերի 28-ին հրավիրված մամուլի ասուլիսի ընթացքում տեղեկացրել է, որ այս ագրեսիայի ընթացքում քաղաքացիական բնակչության և օբյեկտների նկատմամբ Ադրբեջանի հանցագործությունների մասին հայտարարություն են տարածել ԵԱՀԿ-ում։

«Հիմա աշխատանքներ են տարվում այդ փաստաթղթերի տարածման ուղղությամբ ՄԱԿ-ում և այլ միջազգային կառույցներում։ Փաստաթղթում նշվում է, որ այս ընթացքում կոպիտ խախտումներ են տեղի ունեցել։ Ադրբեջանը խախտել է իր իսկ ընդունած Ժնևյան կոնվենցիաները»,- ասաց Մայիլյանը։ Նա նշեց, որ Արցախն էլ է միացած Ժնևյան կոնվենցիաներին դեռևս 1993 թվականի հունվարից։ Մայիլյանը շեշտեց, որ Արցախը կատարում է այդ կոնվենցիաների շրջանակներում իր հանձնառությունները, մինչդեռ Ադրբեջանը խախտում է այն, չնայած ՄԱԿ-ի անդամ է։

Մանրամասները՝ տեսանյութում:

 

 

  • Դիտումներ՝ *