«Հայաստան» համահայկական հիմնադրամը սկսել է «Մենք ենք, մեր սահմանները. բոլորս Արցախի համար» խորագրով դրամահավաք-արշավ: Դրամահավաքը մեկնարկել է սեպտեմբերի 27-ին։
Երեկ հաղորդագրություն էր տարածվել, որ ադրբեջանցի հակերները շուրջ 6 ժամ փորձում էին կոտրել «Հայաստան» համահայկական հիմնադրամի կայքը, և դա հնարավոր եղավ կանխել: Կայքը կոտրելու փորձեր այսօր նույնպես եղել են, այս մասին Առաջին լրատվականի հետ զրույցում ասաց «Հայաստան» համահայկական հիմնադրամի տնօրեն Հայկակ Արշամյանը՝ հավելելով, որ կայքը վերականգնման փուլում է:
Հայկակ Արշամյանը տեղեկացրեց, որ «Մենք ենք, մեր սահմանները. բոլորս Արցախի համար» խորագրով դրամահավաք-արշավի շրջանակներում մեկ օրում հավաքագրվել է ավելի քան 1,240 մլն ԱՄՆ դոլար: Նվիրատվությունները շարունակվում են:
Մանրամասները՝ տեսանյութում: