Այսօր՝ սեպտեմբերի 28-ին, Ազգային ժողովում հրավիրվել է արտահերթ նիստ: Օրակարգում 2020թ. սեպտեմբերի 27-ին Արցախի Հանրապետության դեմ Ադրբեջանի սանձազերծած ռազմական ագրեսիան դատապարտելու վերաբերյալ ԱԺ հայտարարության նախագիծն է:
«Երբ Ադրբեջանի ցեղասպանական գործողությունների նկատմամբ միջազգային հանրության կողմից չի հնչում թիրախավորված քննադատություն, դրա հետևանքը այս ագրեսիան է»,- հայտարարեց «Իմ քայլի» պատգամավոր Սոս Ավետիսյանը:
Նա, հիշեցնելով, որ միջազգային բոլոր նորմերը խախտելով թիրախավորվում է խաղաղ բնակչությունը, ասաց. «Չգիտեմ` սրանից ավելի է՞լ ինչ է պետք, որ միջազգային հանրությունը արձագանքի»:
Պատգամավորի խոսքով` այս պատերազմը կարճ չի տևելու, և ամեն օր պետք է կանգնել զինվորի կողքին:
Մանրամասն՝ տեսանյութում: