Այսօր՝ սեպտեմբերի 28-ին, Ազգային ժողովում հրավիրվել է արտահերթ նիստ: Օրակարգում 2020թ. սեպտեմբերի 27-ին Արցախի Հանրապետության դեմ Ադրբեջանի սանձազերծած ռազմական ագրեսիան դատապարտելու վերաբերյալ ԱԺ հայտարարության նախագիծն է:
«Լուսավոր Հայաստան»-ի պատգամավոր Սրբուհի Գրիգորյանը շեշտեց, որ Սիսիանում զոհվածներից մեկը կին է` կրտսեր սերժանտ Հասմիկ Արզումանյանը. «Ես էլ եմ պատրաստ մեկնել առաջնագիծ, բայց ոչ թե ոգևորելու զինվորներին, այլ իրապես կռվելու»:
Նրա խոսքով` խաղաղությունը չեն մուրում, այլ պարտադրում են. «Հայ կինը շատ դիպուկ է կրակում: Մենք պետք է մեր պաշտպանության գործը կիսենք մեր տղամարդկանց հետ. այլ ճանապարհ չունենք»:
Նա գերագույն գլխավոր հրամանատարին խնդրեց զորակոչել իրեն, երբ իր կարիքը լինի. «Զորակոչեք ինձ որպես Փառանձեմ թագուհու հետևորդի»:
Մանրամասն՝ տեսանյութում: