Ադրբեջանում արգելափակվել են սոցիալական գրեթե բոլոր մեդիաները, անխափան աշխատել է միան «Թվիթերը»: Տեղեկատվական անվտանգության փորձագետ Սամվել Մարտիրոսյանն «Առաջին լրատվական»-ի հետ զրույցում նշեց, որ Ադրբեջանում ներքին ինֆորմացիոն բլոկադա է. «Առաջին դեպքը չէ, որ Ադրբեջանում արգելափակվում են սոցիալական մեդիաները: Այնտեղ արգելափակված են նաև մի շարք լրատվամիջոցներ, որոնց հրապարակումները Ալիևին դուր չեն գալիս: Բնակչության մեծը մասը ներքին քարոզչության ազդեցության տակ է, «Թվիթերը» Ադրբեջանում պոպուլյար չէ:
Այսպիսի արգելափակումների Ադրբեջանը դիմում էր հիմնականում ներքին իրավիճակի սրման ժամանակ, օրինակ՝ երբ Ադրբեջանի ընդդիմությունն ուզում էր ծայրահեղ սուր ցույցեր անել՝ պահանջելով պատերազմ: Բայց հայ-ադրբեջանական ռազմական գործողությունների ժամանակ այսպիսի քայլի չէին դիմում:
Հավանաբար այս քայլին գնացել են, որ իրենց զոհերի մասին տեղեկատվությունը չտարածվի: Շատ արագ փորձում են բլից կրիգի տպավորություն ստեղծել: Ալիևը փորձում է ամբողջապես վերահսկել Ադրբեջանի տեղեկատվությունը, հնարավոր է, որ վախենում է իր դեմ ներքին՝ ներկլանային տեղեկատվական պատերազմից, և գնում է այսպիսի սահմանափակումների»:
«Իրենք իրենց տեղեկատվական ծուղակի մեջ են գցում, ինչը մեզ համար բարենպաստ պայմաներ է ստեղծում»,- նշեց Սամվել Մարտիրոսյանը՝ հավելելով, որ ադրբեջանցիների զգալի մի հատված, որպես այլընտրանքային լրատվական աղբյուր, սկսել է օգտվել հայաստանյան լրատվամիջոցներից:
Մանրամասն՝ տեսանյութում: