Իտալա-արաբական «Ասսադակահ» կենտրոնը խստորեն դատապարտում է Արցախի Հանրապետության դեմ Ադրբեջանի զինված ագրեսիան: Այս մասին ասված է կենտրոնի տարածած հաղորդագրությունում:
«Իտալա-արաբական «Ասսադակահ» կենտրոնը միանում է Հայաստանի Հանրապետությանը և ազատ ժողովրդավարական ժողովուրդներին՝ վճռականորեն դատապարտելով Արցախի խաղաղ հանրապետության դեմ զինված ագրեսիան, հուսալով, որ միջազգային հանրությունը կստիպի միջոցներ ձեռնարկել ազատության և ինքնորոշման իդեալների առաջխաղացումը պահպանելու համար»,- նշված է հաղորդագրությունում:
Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանն ակտիվ հրետակոծություն է սկսել:
Հրետակոծվում են նաև խաղաղ բնակավայրերը, այդ թվում մայրաքաղաք Ստեփանակերտը: Ադրբեջանական զինուժը կորցրել է 3 ուղղաթիռ, 20 ԱԹՍ, 30 տանկ և հետևակի մարտական մեքենա։ կորուստներ: Ադրբեջանի հարձակման հետևանքով առաջին զոհերը եղել են Մարտունու շրջանում՝ մեկ կին և մեկ երեխա: Նախնական տվյալներով հայկական կողմն ունի 16 զոհ և կա 100-ից ավելի վիրավոր տարբեր աստիճանի մարմնական վնասվածքներով։
Հակառակորդը հրետակոծել է նաև դպրոցներ, ներառյալ Ստեփանակերտում։
Հայաստանի Հանրապետությունում հայտարարվել է ռազմական դրություն և ընդհանուր զորահավաք։
